Zla d’a d’ogolâ 21:16 - Bible azumeina

¹⁶ Sama mi wal tam mbei ki lovot ta ned’ina mba mi ka’î zlapa ki suma matna.

Zla d’a d’ogolâ 21:16 Referans Kwoze

Hebre-na 10:38

Sa man ma d’ingêrâ mba mi kak karid’a ni yam he gagazid’a. Wani le mi hulong bugolo ni, tan mba d’i lan djivid’a kam mbi.

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Sawal la giled’a 49:14

Wana ni zlad’a hi suma a nga tin huruzi yam azi tazi go na, ki zlad’a hi suma tazi lazi djivid’a á hum zla mazid’ina mi. Tchol ndjö

Jude 1:12

Sum ndazina a mbut ni vama dap asema ata yi magi ma darigïd’a, zulona nga lazi ki hop mazina d’uo mi. Azi ni d’igi d’ugul la bei mbina d’a simetna nga mi tchat tata d’a na. Azi ni d’igi agu ma le ni vun simetna pî nga mi vut tuo ma mi mit yam mbà ma a pad’am sideyem mbeina na.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Efes-sâ 2:1

Adjeu agi ni suma bogi woi yam tchila magid’a, yam tcho magid’ina mi.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Zla d’a d’ogolâ 9:18

Mi we nga d’ala yi máma ni yima matna d’a d’i, mi we nga d’ala suma ti yazina a nga ni kur yima azuleina d’a d’uo mi.

Zla d’a d’ogolâ 2:13

abo suma a noî lovot ta d’ingêra woi á tit kur lovot ta nduvundina.

Zla d’a d’ogolâ 11:19

D’ingêra ti i ki sana ni kur arid’a, wani sama nga mi tit bugol tchod’ina, mi i ni kur matna.

Ezekiyel 18:24

Wani le sama d’ingêrâ mi ar sun mam mba d’ingêra woi mi le sun nda ndjendje d’a sama asa’atna nga mi lata ni, mam mba mi kak karid’a zu? Sun mam mba d’ingêra pet a mba ndumumzi kam mbi. Wani yam sun nda ata yat tuo d’a ki tcho d’a mam he tam kat á led’id’a, mba mi mit tei kad’u.

Zla d’a d’ogolâ 5:23

Mba mi mit ni yam bei hum hat mamba. Lili mam mba kal kamba mba d’i bam mbei mi.

Zla d’a d’ogolâ 19:16

Sama nga mi ngom vun ma hed’ina mi ngomî tamu, sama nga mi gol lovot mamba isâ mba mi mid’a.