Zla d’a d’ogolâ 20:7 - Bible azumeina

⁷ Sama d’ingêr ma nga mi tit kur d’engzeng mambina, grom suma a mba ar blogoma a mba fe djivid’a!

Zla d’a d’ogolâ 20:7 Referans Kwoze

Sawal la giled’a 112:2

Andjavam mba mi kak ad’enga yam ambasa; andjaf suma d’ingêrâ, Alona mba mi b’e vunam kazi mi.

Sawal la giled’a 37:26

Mam nga mi we hohowa suma teteu, nga mi he balâ mi suma mi; Alona mi b’e vunam yam andjavam mi.

Jeremi 32:39

An mba ni hazi hur ma tuna á tit kur lovot ta tud’a á lan mandaran burâ ki burâ tala azi kak ki djivid’a, grozi suma blogozina a kak ki djivid’a mi d’a.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Sunda hi suma a sunuzinid’a 2:39

Kayam vun ma hle mama ni kagi ki grogina ki suma sä deina pet ki suma Salad’a Alo meina mba mi yazina pet mi.

Zla d’a d’ogolâ 19:1

Sama hohou ma nga mi tit kur lovot mamba d’ingêrâ, mi kal sama ka zla ma mi mbut tam lilid’ina.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Zla d’a d’ogolâ 14:2

Sama nga mi tit tit ta d’ingêrina nga mi le mandara Ma didina, wani sama nga mi tit tit ta gundina nga mi golomî is.

Sawal la giled’a 15:2

Ni sama tit tit ta iratina, ni sama le sun nda d’ingêrina, ni sama nga mi de zla d’a gagazi d’a kurumba woina mi.

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Sawal la giled’a 26:1

Ni sawal la David mi hlata. Ma didina, ang kan ir zla manda, kayam an nga ni tit kur d’ingêra. An nga ni deng tan ata ang Ma didina, an nga ni giget ti.

Isai 33:15

Sama nga mi tit d’ingêr ma nga mi de zla d’a iratina, ma nga mi noî vama a b’ad’am abo suma kad’enga ma nga mi ve d’a hawa d’a mbut ira d’uo na, ma nga mi duk humam mbei á hum zla d’a tchi matna ki humam mbuo ma nga mi duk iram mbei á we tchod’a ki iram mbuo mi na,

Sawal la giled’a 26:11

Wani an nga ni tit kur d’ingêr manda; ang wan hohowonu, ang sud’un ndeyo.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Zla d’a d’ogolâ 14:26

Sama mi le mandara Ma didinina nga mi kak ki halasa, groma a nga fe yima ngeid’a gevem mi.