Zla d’a d’ogolâ 20:1 - Bible azumeina

¹ Süm guguzlud’a ni vama las suma, süm ma ayîna heîna nga mi mba ki batranga mi. Sama mi he tam yam süma á tched’ina nga mi wäd’u zla d’i.

Zla d’a d’ogolâ 20:1 Referans Kwoze

Wana ni mbaktumba hi Oze-d’a 4:11

Gaulangâ ki süm guguzlu d’a adjeud’a ki d’a awilid’a a b’lak sum mana woyo.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Zla d’a d’ogolâ 31:4

Lemuel, nga djivid’a tala amuleina a tche süm guguzlud’a d’a d’i, d’oze suma nglona a tche süm ma ayîna d’a d’uo mi.

1 Korente-na 6:10

suma kula, suma a’arad’a, suma gurut ki süma, suma ngul suma, suma tchiget suma ki suma hina na a ndak á kal kur leud’a hAlonid’a d’i.

Galat-na 5:21

d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

2 Samuel 11:13

David mi yum á te tena mi tche ki sed’em mi. David mi gurud’um ki süma, wani ki fladeged’a Uri mi nde woi á i ata yam ma burâ ki azigarâ hi salamina bei mi i avo hatam ba.

Isai 56:12

Azi nga dala: Agi mbeyegïya, ami i halagï süm guguzlud’a, ei mba gurud’i ki süm ma ayîna, ei mba lei avin ni d’igi ini hina dedege. Ad’um mba d’i ar kä woi ngola.

Isai 5:22

Ni zla d’a hohoud’a yam suma a nga kad’enga á tche süm guguzlud’ina, yam suma a nga kad’enga á hlum süm ma ayîna iram tetengâ!

Wana ni mbaktumba hi Oze-d’a 7:5

Kur bur ma vun tilâ hamul mazinina, suma nglo suma avok suma a nga mbut tugud’eid’a abo süm guguzlud’a, amulâ nga mi ve suma las suma abozi akulo mi.

2 Samuel 13:28

Apsalom mi he vuna mazungeî mama ala: Agi tinigi iragi yam Amnon ped’et. Le mi nde wa le furîd’a ki süm guguzlud’a, le an dagi ala: Agi tchumu ni, agi tchum mbeyo! Agi lagi mandar ri. Ni an ba ni hagi vuna d’uo zu? Vagi tagi ad’enga, kagagi nandjofâ!

Sunda hi suma hi Levi-nid’a 10:9

Agi ki grongâ agi tchagi süm guguzlu d’oze süm ma ayîna ata yima agi kalagi kur zlub’u d’a ngaf tad’ina d’i, kayambala agi bogi woi d’uo d’a. Zla ndata ti arî gat ta didinda yam andjavagiya,

Zla d’a d’ogolâ 23:20

Ang kak aduk suma a nga gurut ki süm guguzlud’ina d’oze aduk suma a nga mut hliuna agozlombina d’i.

Habakuk 2:5

Ndjondjoîd’a nga d’i b’lak sana; sama subur tama nga mi kak tchugot ti, nga mi ngo vunam mbei d’igi zula tos matna na, d’igi matna va nga mi ndagam mbuo na mi. Kayam ndata, nga mi kus yam andjaf suma teteng, nga mi yozi magomba ad’um mi.

Isai 5:11

Ni zla d’a hohoud’a yam suma a buzuk yorogo tcholol á hal süm ma ayîna suma a hir ad’uzi kä avunam gak andjege dangâla a gurut tei ki sed’ema.