Zla d’a d’ogolâ 2:8 - Bible azumeina

⁸ á ngom lovota hi suma iratnid’a, á ngom tita hi mam suma d’engzengîd’a.

Zla d’a d’ogolâ 2:8 Referans Kwoze

Sawal la giled’a 23:3

Nga mi djan tan ndeyo, nga mi tinin kur lovot ta d’ingêra yam simiyêmu.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

Sawal la giled’a 145:20

Ma didina nga mi ngom suma a nga le kama pet, nga mi b’lak suma asa’atna woi pet mi.

Jude 1:24

Mam ma ndak á ngomogi tala agi pugugi kä d’uo na, mba mi buzugugi woi avorom kur subur mamba bei zla d’a kagi ba ki furîd’a.

Sawal la giled’a 66:9

Ni ma ngomei ei boi nga d’uo na, ni ma arei asei ka nga azlard’eid’a d’uo mi na.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Zla d’a d’ogolâ 8:20

An nga ni tit kur lovot ta d’ingêra, kur lovot ta gurei d’a d’ingêra d’ad’ar,

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

Sawal la giled’a 1:6

Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.

Gat ta a hat á mbàd’id’a 33:3

Gagazi, Ma didina mi le yam sum mama. Suma mi tinizi irazi vazina pet a nga ni hur abomu, azi nga kaka kä asem á ve zla mamba.

Isai 35:9

Lovot ndata a mba fazlo kua d’i, ambur ma ayî mba mi hlat ti, sa mba mi ngavam kua d’uo mi. Suma Ma didina mi wurak kazina, a mba tit kua ni aziya.

Sawal la giled’a 37:31

Gata hAlo mamid’a ti nga kurumu, asem nga mi giget tuo mi.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.