Zla d’a d’ogolâ 2:13 - Bible azumeina

¹³ abo suma a noî lovot ta d’ingêra woi á tit kur lovot ta nduvundina.

Zla d’a d’ogolâ 2:13 Referans Kwoze

Zla d’a d’ogolâ 4:19

Lovota hi suma asa’atnid’a ni d’igi nduvunda na; a nga we vama mi puguzi kä na d’i.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Zla d’a d’ogolâ 21:16

Sama mi wal tam mbei ki lovot ta ned’ina mba mi ka’î zlapa ki suma matna.

2 Timote 4:10

Demas mi aran wa, kayam hurum ve duniya d’a wanda heî, mi i wa Tasalonik. Kresen mi i wa Galat, Tit mi i wa Dalmati mi.

Jean 12:35

Kayam ndata, Jesus mi dazi ala: B’od’a nga ki sed’egi tua ndjö. Agi tid’igi kur b’o d’a nga ki sed’egid’a, kayam ar nduvunda ti mba kagi d’i. Sama nga mi tit kur nduvundina, nga mi we yima mi i kuana d’i.

Jean 1:6

Alona mi sunï sa mam ma sunda simiyêm ala Jean.

Sofoni 1:6

An mba ni dap suma a noyôn an Ma didina suma a nga halan nduo suma a nga djobon yam va d’uo na woyo.

Ezekiyel 18:26

Le sama d’ingêrâ mi ar sun mam mba d’ingêra woyo, le mi le sun nda ata yat tuo d’a, le mi mid’a ni, mi mit ni yam sun mam mba ata yat tuo d’a mi lata.

Sawal la giled’a 82:5

Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

Sawal la giled’a 36:3

Nga mi subur tam katam vam tala ar tcho mamba nde woi abu d’uo d’a, nga mi ar tcho mam ndata woi d’uo mi.

Sawal la giled’a 14:3

Azi pet a vit teyo, a mbut tchod’a abo tazi tu; sama le djivid’ina nga d’i, tu pî nga d’i.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Isai 59:8

Agi wagi nga lovot ta halasa d’i, agi nga tid’igi kur lovot ta gagazid’a d’i, agi tid’igi ni kur lovot ta gunda. Sama nga mi tit kuana nga mi we halasa d’uo mi.