Zla d’a d’ogolâ 2:10 - Bible azumeina

¹⁰ Hina wani, ned’a mba d’i kal kurungû, wad’ud’a mba d’i lang tang djivid’a mi.

Zla d’a d’ogolâ 2:10 Referans Kwoze

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Kolos-sâ 3:16

Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Sawal la giled’a 119:162

An nga ni le furîd’a yam vun mang ma hled’a d’igi sama mi hurumï ahlena ablaud’a ata yima ayînina na.

Sawal la giled’a 104:34

Ar djib’er manda ti lang tang djivid’a. Ma didina, an min le furîd’a kangû.

Sawal la giled’a 19:10

le mandara Ma didina ni vama djivina, ni vama nga kur atchogoid’a katchogoid’ina; nga hurâ hi Ma didinina pet ni ma gagazina, ni ma d’ingêrâ mi.

Sawal la giled’a 119:111

Vun mang ma hed’a ni djo man ma te ma gak didina, kayam mam mi furî manda.

Zla d’a d’ogolâ 14:33

Ned’a ti nga ni kaka kur sama wad’ud’a, wani ti nga kur suma lilid’a d’i.

Sawal la giled’a 119:103

Vun mang ma hled’a nadjib’eta avunanu, ma adjib’eta avunan kal mbul ayuma.

Sawal la giled’a 119:97

Ni yan ga ba, an le yam gat manga ge? Ni ndat ba, an nga ni djib’er kat burâ ki burâ.

Zla d’a d’ogolâ 1:4

Mi nga mi tak lovota mi sama bei wed’a á kak ki wed’a, á tak gor azongâ wed’a ki djib’er ra irata mi.

Zla d’a d’ogolâ 22:18

Le ang ngomot kurungû ni, mba d’i mbut ni vama djivina kangû, ar ti kak avunang teteu.

Zla d’a d’ogolâ 4:6

Ar ang noyôt tei d’i, mba d’i ngomongû; ang le kad’u, mba d’i ngeyeng yang kä.