Zla d’a d’ogolâ 19:8 - Bible azumeina

⁸ Sama mi fe ned’ina mi le ni yam mam tamba, sama mi ngom wad’ud’ina mi fe ni djivid’a mi.

Zla d’a d’ogolâ 19:8 Referans Kwoze

Zla d’a d’ogolâ 16:20

Sama nga mi wal ir zlad’a woina mi fe djivid’a, sama mi tin hurum yam Ma didinina mi le furîd’a.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Zla d’a d’ogolâ 4:6

Ar ang noyôt tei d’i, mba d’i ngomongû; ang le kad’u, mba d’i ngeyeng yang kä.

1 Pierre 3:10

D’igi mbaktumba hAlonid’a ti de na ala: Sama min kak ki iram bei matna á we bur ma djivinina, ar mi d’el sinam á de zla d’a tchod’a, ar mi d’el vunam á lop suma mi.

Jean 14:21

Sama ve vun man ma hed’a ma nga mi ngomoma, ni ma nga mi le kana. Sama nga mi le kana, Abun mba mi le kamu, an mba ni le kam an mba ni tagam tan mi.

Zla d’a d’ogolâ 22:18

Le ang ngomot kurungû ni, mba d’i mbut ni vama djivina kangû, ar ti kak avunang teteu.

Zla d’a d’ogolâ 17:16

Bege d’a abo suma lilid’id’a ti le ni suna me ge? Mi guzî ki ned’a zu? Kayam yam nga kam mbi!

Zla d’a d’ogolâ 4:21

Ar a wal lei ki sed’eng ngi, ang ngomozi kä kurung krovo dei.

Zla d’a d’ogolâ 4:4

Nga mi had’an mi dan ala: Ar ang ve zla manda kurungû, ang tit yam gat man nda tetenga. Hina wani, ang mba kak karid’a.

Zla d’a d’ogolâ 3:21

Gorona, ar ang ngom zla d’a irata ki djib’era, ar a wal lei ki sed’eng ngi.

Sawal la giled’a 19:11

Djivi mamba kal lora, kal lor ra a yorot kakud’id’a woi dei; adjib’et mamba ti kal mbul ayuma, ti kal mbul ayum ma nga mi djang kä ir sëma.

Jean 12:25

Sama le yam tama, mba mi ba tam mbeyo, wani sama noî tam mbei kur duniyad’ina, mba mi fe ari d’a didinda.

Ezekiyel 36:26

An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya.

Zla d’a d’ogolâ 19:9

Sama mi le glangâs ma aboinina, zlad’a nga d’i ba bei vum mbi; sama ka zlad’a heîna, mba mi ba woi mi.

Zla d’a d’ogolâ 3:22

A mba mbut ni ari manga, ni vama djif ma ang gum kelengâ mi.