Zla d’a d’ogolâ 19:3 - Bible azumeina

³ Lilid’a hi sanid’a nga d’i b’lagam lovot mamba, wani hurum krovo mi zalî ata Ma didina zang.

Zla d’a d’ogolâ 19:3 Referans Kwoze

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Zla d’a d’ogolâ 11:3

Suma iratna d’ingêr mazid’a nga d’i tagazi lovota, wani suma mbut ira a nga ba woi kur sun mazi d’a ata yat tuo d’a.

Sawal la giled’a 37:1

Ni sawal la David mi hlata. Ar hurung zal ata suma asa’atna d’i, ar hurung hat ata suma a nga le sun nda ata yat tuo d’ina d’i.

2 Amuleina 6:33

Kid’a Elise nga mi dazi zlad’a tua d’a, sama amulâ sunumïna mi mba. Amulâ mi dala: Ndak ndata pet ti tcholï nata Ma didina. Ni nana ba, an tin hurun kam mbei ge?

1 Samuel 15:23

So vuna ni tcho d’a ngola d’igi ang djop mi fileina na; yam mba ad’enga ni tcho d’a ngola d’igi ang tuwalî fileina na mi. Kayamba ang ge vun Ma didina woi d’a, Ma didina nga mi gang ngei mi; ang mba kak amula yam sum mama d’uo d’a.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

Isai 32:6

Kayam suma lilid’a a de ni zla d’a lilid’a, huruzi ni tinda yam sun nda tchod’a á le sun nda ata yat tuo d’a, á de zla d’a tchod’a yam Ma didina mi. A nga he tena mi sama meid’a tchuma d’i, a nga d’el lovota á he mbina mi sama vunam sona mi.

Wana ni mbaktumba hi Job-pa 15:13

Ata yima ang djok djib’er ra tchod’a á kak djangûna kAlonina, andjaf zla d’a tchod’a ti ndavunang wan nduo zu?

Hor ma tchina 3:39

Ni kayam me ba, sama mi nga kaka ki irama mi tchi tam ge? Ar nge nge pî mi tchi ni yam tcho mamba tata.

Ezekiyel 18:25

Agi nga dagi ala: Lovota hi Ma didinid’a nga d’ingêr ri. Agi Israel-lâ, agi humagiya. Ni lovot manda ba, ti nga d’ingêr ruo zu? Ni lovot magid’a ba, ti nga d’ingêr ruo d’ö gi?