Zla d’a d’ogolâ 19:16 - Bible azumeina

¹⁶ Sama nga mi ngom vun ma hed’ina mi ngomî tamu, sama nga mi gol lovot mamba isâ mba mi mid’a.

Zla d’a d’ogolâ 19:16 Referans Kwoze

Wana ni Zla d’a Djivi d’a Luc mi b’irita 10:28

Jesus mi dum ala: Ang de nata yad’u. Ang le hina, ang mba kak karid’a.

Zla d’a d’ogolâ 13:13

Sama mi gol gata isâ mba fe ndaka, wani sama le mandara vun ma hed’ina, mba mi fe wuraka.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

1 Jean 5:3

O d’a lat yam Alonid’a ba wana: Ei gei yei kä ad’u vun ma he mama. Vun ma he mama nga ni vama anek ki,

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.

Zla d’a d’ogolâ 29:18

Ata yima sama mi de zlad’a woi yam vama ndum mbeina nga d’uo na, suma a tit ni kur batranga, wani sama nga mi ngom gata hAlonid’ina, mi le furîd’a.

Zla d’a d’ogolâ 21:23

Sama nga mi ngom vunam ki sinam ped’etna, mi sut ni tam mbei kur ndaka.

Zla d’a d’ogolâ 16:17

Suma d’ingêrâ a nga wal tazi woi ki tchod’a kur tit mazid’a, sama mi ngom tam kur tit mamba ped’etna mi nga mi ngomî ari mamba.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

1 Korente-na 7:19

Ngat bayâd’a ni va d’i, ngat bayâd’a d’uo d’a ni va d’uo mi. Wani vama djivina, sana mi ngomî vun ma hed’a hAlonina.

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Ma tchi wala 8:5

Sama nga mi ngom vun ma he mamina, nga mi kal kur ndaka d’i; sama ned’a nga mi we yima ndak á led’a ki lovot ta ndak á led’id’a mi.

Zla d’a d’ogolâ 3:1

Gorona, ang mar yam hat manda d’i, ang ngom vun man ma hed’a kurungû.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Matiye 16:26

Wani le sana mi fahle suma yam andagad’ina ki zlazi pet, wani mam tamba mi ba woyo ni, djivi d’a mi fata ni me ge? D’oze, vama sana mba mi hum á vrak blangâm mam tambina ni me ge?

Ezekiyel 33:5

Mi mit ni yam tcho mamba, kayam mi hum adif fa ge humba, mi golot is. Ladjï mi golot is suo ni, mi sut ni tamu.

Jeremi 7:23

Wani vun ma an hazizina ba wana: An dazi ala: Agi humun vunanu. Hina wani, an mba ni arî Alo magina, agi mba kagi ni sum mana mi. Agi tid’igi kur lovot ta an hagi vuna kata, agi mba kagagi ki furîd’a mi.

Zla d’a d’ogolâ 22:5

Aweid’a ki dauna a nga kur lovota hi sama bateinid’a; sama mi min ngom tama, mi wal tam mbei dei kahle ndazina.

Zla d’a d’ogolâ 15:32

Sama mi noî hatina mi golî tam is, wani sama mi min ngopina mba mi mbut sama wad’ud’a.

Sawal la giled’a 103:18

yam suma a nga ngom vun mam ma djindina, yam suma a nga djib’er yam gat mamba á ndagat memetna mi.

Wana ni mbaktumba hi Job-pa 5:2

Hur ma zala nga mi tchi sama yam nga kam mbuo na woyo, ayîna nga mi tchi sama lilid’a woi mi.

Zla d’a d’ogolâ 21:16

Sama mi wal tam mbei ki lovot ta ned’ina mba mi ka’î zlapa ki suma matna.