Zla d’a d’ogolâ 19:12 - Bible azumeina

¹² Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Zla d’a d’ogolâ 19:12 Referans Kwoze

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Zla d’a d’ogolâ 20:2

Ayîna hamulîna mi mbut suma mandarâ ni d’igi tchina hazlonina na. Sama kom kama mi le ni tam tchod’a.

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Sawal la giled’a 133:3

Ni d’igi mbad’ï d’a nga d’i ge yam ahina d’a Hermon nda nga d’i sor kä yam ahina d’a Siyon-ndid’a na mi. Kayam ni kur Siyon ba, Ma didina nga mi b’e vunam yam suma, nga mi hazi ari d’a didinda mi.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Daniel 5:19

Kayam ngol la Alona mi humzid’a, suma a nga kaka kur ambasina pet, andjaf suma pet ki suma ad’u vun ma ded’a tetengâ pet a zlaga, a le mandarâ avorom mi. Mi tchi suma mi min tchazina, mi ar suma mi min tchazi d’uo na karid’a mi. Mi he ngola mi sama mam min hum ngolina, mi hulong sama mam min hulongôm yam kä na kä ad’um mi.

Ma tchi wala 8:4

Zlad’a hamulâ d’a lara ge pet ti nga kad’enga, sama ndak á djobom ala: Ang le na ni me na ge nga d’i.

Sawal la giled’a 72:6

Ar amulâ mi mbut ni d’igi alo ma mi se yam asu ma a tchawam mbeina na, mi mbut ni d’igi mbiyo alo ma mi d’idje andagad’ina na mi.

Ester 7:8

Kid’a amulâ mi tcholï kur asine mam ma amula mi mba kur gong nga tenid’a, mi we Haman mi pe nga yam kä ata azang ma Ester nga denga kama. Ata yi máma amulâ mi dala: Ni me na ge? Mi min mi le ni vama tcho kamula Ester avoron ka hî avo hatan ndju? Kid’a amulâ mi mal vunam á de zla ndata hina d’a, ata yi máma hina wat a ve Haman, a d’ud’um iram mbei ki barud’a.

2 Samuel 23:4

mi ni d’igi b’od’a hafat ta deî yorogod’a na, mi ni d’igi yorogo d’a bei d’ugula ka kua bad’a na, mi ni d’igi b’od’a hafat ta ti nde balum alo ma se d’a ar asu ma awilina mi deîd’a na.

Ad’u Tinda 27:28

Ar Alona mi ge mbad’ïd’a ei akulod’a hur asinengû, andagad’a ti wulung ahlena ngola, awuna ki guguzlud’a mi.

Gat ta a hat á mbàd’id’a 33:28

Israel-lâ a kak ki halasa, andjafâ hi Jakob-ma mi nga ni kaka woi vam yam ambas sa nga d’i wul awuna ki guguzlud’a heîd’a, akulod’a nga d’i ge mbad’ïd’a kazi mi.

Isai 18:4

Kayam Ma didina mi dan ala: An nga ni mbut tan ndoze hle tan á gola b’enek ki, d’igi huwaka hafat ta b’o yinid’a na, d’igi d’ugul la ti ge mbad’ïd’a ata yima fet awunid’a na.

Ester 1:12

Wani ata yima azungeî suma a ngom aropma a dat zlad’a hamulîd’ina, ti min nga d’i. Amulâ hurum zala, mi mbut ayîna dadalau.