Zla d’a d’ogolâ 19:11 - Bible azumeina

¹¹ Sama wad’ud’a nga mi mbut ayîna atogo d’i. Subur mamba ni djib’er ra nga mi djib’er yam tcho d’a a nga lumzid’a d’uo d’a.

Zla d’a d’ogolâ 19:11 Referans Kwoze

Zla d’a d’ogolâ 16:32

Sama nga mi le lilinga á mbut ayînina, mi kal grang ma dur ayîna, sama mi te yam hliu tama, mi kal sama mi hlazì ma ngolâ ki durîna.

Zla d’a d’ogolâ 14:29

Sama nga mi le lilinga á mbut ayînina ni sama wad’ud’a ngolina, wani sama mi mbut ayîna atogo zaza’â mi ta’î lili mamba woi abua.

Jacques 1:19

B’oziyon suma an le kagi heîna, agi wagi djiviya. Ar nge nge pî mi hum zlad’a atogo, wani mi le lilinga á ded’a. Ar mi mbut ayîna atogo zak kuo mi,

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Zla d’a d’ogolâ 12:16

Sama lilid’a nga mi tak hur mam ma zala woi atogo zak, wani sama ned’a mi nga mi ve ngula atamu.

Efes-sâ 4:32

Wani agi lagi djivid’a aduk tagiya, agi wagi hohowa tagi mi. Ar agi vad’agi hurugi woi yam tagi d’igi Alona mi vat hurum mbei kagi yam Christ na mi.

Zla d’a d’ogolâ 20:3

Sama mi wal tam mbei ki huneîd’ina, suma a mba hum ngola. Wani sama lili ma lara ge pî, mi tcholot nakulo.

Zla d’a d’ogolâ 25:21

Le mang ma djangûna meid’a nga d’i tchumu ni, ang hum tena mi te; le vunam mi so ni, ang hum mbina mi tche mi.

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

2 Amuleina 5:12

Na ni Abana ki Parpar alum ma Damas-sâ a kal nga mbiyo ma Israel-lâ tala an ge tan kur á mbus ni yak kei d’a d’uo zu? Wani mi hulong mi ge tam kayîna, mi iya.

Zla d’a d’ogolâ 11:13

Sama nga mi tchuk zla d’a aboina yam ndrama aduk sumina, nga mi de woi yam zla d’a gumunda, wani sama mi nga ki djib’er ra iratina, mi ngeyet ni kä kurumu.

Zla d’a d’ogolâ 29:11

Sama lilid’a nga mi ndayî mama woi abu pepet, wani sama ned’a nga mi ve vun ayî mama kä, nga mi ndum mbei abu d’i.

Zla d’a d’ogolâ 20:22

Ar ang dala: An mba ni hulong tchod’a yam tchod’a d’i. Ang tin hurung yam Ma didina; mam mba mi sud’ung ngeyo.