Zla d’a d’ogolâ 18:5 - Bible azumeina

⁵ Nga djivid’a á ndjak vunang ki sama asa’atna á b’lak sariyad’a hi sama d’ingêrîd’a woi d’i.

Zla d’a d’ogolâ 18:5 Referans Kwoze

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Zla d’a d’ogolâ 28:21

Nga djivid’a á ka ir sa d’i, wani suma dingâ a nga miret gata kä yam te ma avunazi ma ngiyeûna.

Gat ta a hat á mbàd’id’a 16:19

Ar agi b’lagagi sariya d’a d’ingêra d’i, ar agi managi sana yam iram go d’i. Ar agi vagi he d’a hawa d’a mbut ira abo sa d’i, kayam he d’a hawa d’a mbut ira nga d’i duk ir suma ned’a woi á b’lak zlad’a hi suma d’ingêrîd’a.

Sawal la giled’a 82:2

Mi dazi ala: Agi mba kagi sariyad’a bei d’ingêra á djik suma asa’atna akulo hina gagak mindja ge? Tchol ndjö

Zla d’a d’ogolâ 24:23

Wana ni zla d’a tcholï ata suma ned’id’a: Nga djivid’a á ka ir suma ata yima ka sariyad’a d’i.

Zla d’a d’ogolâ 17:15

Sama nga mi pat zlad’a woi yam sama asa’atna ki sama nga mi ve sama d’ingêrâ ki zlad’ina, azi djak ni vama ndjendjed’a ir Ma didina.

Matiye 22:16

A sun mazi suma hata azi ki suma hi Herot-na atamu. A djobom ala: Ma hat suma, ami wami ala angî ma gagazina, ang nga hat suma yam lovota hAlonid’a kur gagazid’a. Ang nga le mandara sa d’i, kayam ang nga ka ir sa d’i.

Isai 5:23

Azi nga pat zlad’a woi yam sama zlad’a kama á fe bege d’a mbut ira, a nga mbut zlad’a hi sama d’ingêrîd’a tchod’a mi.

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Mise 7:3

Abozi mi hat á le tchod’a, suma nglona ki suma ka sariyad’a a halî he d’a hawad’a abo suma, sama ngolâ nga mi tak d’od’ok mamba woyo, a ndjak vunazi tu á le sun ndata.

Isai 59:14

Sariya d’a gagazid’a ti nga d’i, d’ingêra ti nga d’uo mi, kayam gagazid’a ti nga aduk suma d’i, d’ingêra ti nga d’uo mi.

Buzuk ka Abud’a 23:2

Ar agi zlabagi tagi ki suma ablauna á le tchod’a d’i, agi zlabagi tagi ki suma ablauna á b’lak sariya d’a d’ingêra woi d’i,

Buzuk ka Abud’a 23:6

Le sama houd’a mi mba ki sariya mamba avorogiya ni, agi kamzi tchod’a d’i.

Zla d’a d’ogolâ 17:26

Nga djivid’a á nga wuraka yam sama d’ingêrâ d’i, d’oze á to suma nglona yam d’ingêr mazid’a d’uo mi.

Zla d’a d’ogolâ 31:5

Le a gurut kiya ni, a mba mar yam gata, a mba gol zlad’a hi suma hohoud’id’a tä mi.

Mise 3:9

Agi andjafâ hi Jakob suma avok sumina, agi suma nglo suma Israel-lâ, agi suma nga gologi sariya d’a d’ingêra isâ, agi suma gunugi d’ingêrina, agi humugiya.

Buzuk ka Abud’a 23:3

ar agi wagi sama houd’a hohowom ata yima ka sariyad’a d’uo mi.