Zla d’a d’ogolâ 17:3 - Bible azumeina

³ Deina ni vama a yor ki kawei ma hapmina, fürâ ni vama a yor ki lorina mi, wani Ma didina ni ma kuk hur sumina.

Zla d’a d’ogolâ 17:3 Referans Kwoze

Isai 48:10

An yorogiya, wani nga ni d’igi suma a yor kawei ma hapma na d’i. An yorogi ni pad’agi woi ni kur ndaka.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Sawal la giled’a 26:2

Ma didina, ang kugunu, ang golon djiviya, ang halan hurun yam min manda ki djib’er manda mi.

Zla d’a d’ogolâ 27:21

Deina ni vama a yor ki kawei ma hapmina, fürâ ni vama a yor ki lorina mi, wani a we sana nata simiyêm ma nde yinina.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Sawal la giled’a 66:10

Alo mamina, ang kugumiya wa, ang yoromi wa d’igi sana mi yor kawei ma hapma na.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Sawal la giled’a 139:23

Alo mana, ang halan hurunu, ang wumu; ang kugunu, ang we djib’er man nda teteud’a.

Zla d’a d’ogolâ 15:11

Yima azuleina ki zul la yiyik ka suma a ba woi kuad’a ni pid’ak ir Ma didina d’oud’a d’igi hur suma zu?

Zla d’a d’ogolâ 17:2

Azong ma ned’a mba mi te yam gor ma mi lahle suma zulonina, mba mi te djona aduk sana groma mi.

Ezekiyel 22:18

Ang gor sana, Israel-lâ a mbut iran an ni d’igi sud’o tchafa na. Azi pet ni kawei ma hleuna ki dorâ ki kawei ma wurana ki kawei ma anek ma gum aku á yorina. Azi ni d’igi sud’o kawei ma hapma na mi.

Daniel 11:35

Suma hiuna aduk suma ned’a a mba tchaziya, wani mat mazina mba mi ndjun suma dingâ á mbud’uzi yed’et hapa titil gak yima dabid’a, kayam ahle ndazina a mba mba nata yima a ngama.

Gat ta a hat á mbàd’id’a 8:2

Agi djib’eregi yam tit ta fiyak ka Ma didina Alo magina mi tinizi kagi á tita abagei hur fulâ gak bizad’a dok fid’id’a á hulongôgi yagi kä, á kugugi á we djib’er magid’a, na ni agi mba ngomogi vun mam ma hed’a d’oze ngomom mbuo zi ge d’a.

Gat ta a hat á mbàd’id’a 8:16

Ni mam ma mi hagi man ma abuyogi ngolo a wum nga yazi tu d’uo abagei hur fulâ á ted’a á hulongôgi yagi kä á lagi djivid’a bugolâ.

Wana ni mbaktumba hi Job-pa 23:10

Wani mam we lovot ta an nga ni tit kuad’a. Fata mi kugunda, an mba ni nde woi yed’et d’igi lora na.

Wana ni mbaktumba hi Job-pa 28:1

Yima a djugot zula á fe kawei ma hapma kuana mi nga, yima a sal lora kuana mi nga mi.

Zla d’a d’ogolâ 16:2

Sama lara pî mi djib’er ala tit mamba pet ni djivid’a iramu, wani Ma didina ni ma we hur sumina.

Zla d’a d’ogolâ 21:2

Nge nge pî nga mi djib’er ala sun mam mba led’a ni djivid’a iramu, wani Ma didina ni sama nga hurîna.