Zla d’a d’ogolâ 17:10 - Bible azumeina

¹⁰ Ngop pa a ngop sama ned’id’a ti le sunda kurum kal to d’a a to sama lilid’a blafâ kisa.

Zla d’a d’ogolâ 17:10 Referans Kwoze

Vama ndum mbeina 3:19

Suma an nga ni le kazina pet, an nga ni ngoboziya, an nga ni gad’azi mi. Kayam ndata, ar ang b’at tang á mbut hurung yam tcho manga.

Zla d’a d’ogolâ 29:19

A nga gat magoma ni ki zla d’a ded’a d’i, kayam le mi wad’ud’a pî, nga mi ge yam kä d’i.

Zla d’a d’ogolâ 27:22

Le ang du sama lilid’a kur zuzud’a zlapa kawuna pî, lili mamba mba d’i wal lei ki sed’em mbi.

Zla d’a d’ogolâ 19:25

Ang to sama las suma, ma lilid’a mba mi mbut sama ned’a; ang ngop sama wad’ud’a, mba mi i avogovok kur wäd’u mamba.

Zla d’a d’ogolâ 15:5

Ma lilid’a nga mi gol hata habumba is, wani sama mi ve ngopa atama mba mi kak ki ned’a.

Zla d’a d’ogolâ 13:1

Gor ma ned’a mi humî hata habumba, wani gor ma yam mba ad’enga nga mi hum ngopa d’i.

Sawal la giled’a 141:5

Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

Zla d’a d’ogolâ 17:9

Sama nga mi tin humam yam tcho d’a a lumzid’a d’uo na, mi halî od’a, wani sama nga mi dugud’ot ded’ina mi walî sana woi ki banama.

Zla d’a d’ogolâ 17:11

Sama asa’atna mi halî huneîd’a, wani a mba sunumî ma sun ma murud’umba atam á lum tchod’a.