Zla d’a d’ogolâ 16:2 - Bible azumeina

² Sama lara pî mi djib’er ala tit mamba pet ni djivid’a iramu, wani Ma didina ni ma we hur sumina.

Zla d’a d’ogolâ 16:2 Referans Kwoze

Zla d’a d’ogolâ 21:2

Nge nge pî nga mi djib’er ala sun mam mba led’a ni djivid’a iramu, wani Ma didina ni sama nga hurîna.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Zla d’a d’ogolâ 30:12

Suma dingâ a nga djib’er ala azi ni suma yed’etna, wani a mbus nga tazi woi kur ndjendje mazid’a d’i.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Zla d’a d’ogolâ 24:12

Le ang dala: An we nga d’uo ni, Ma nga mi nga hurîna nga mi we d’uo zu? Ma nga mi ngomongâ, mi nga mi we d’uo zu? Ni mam ba, nga mi wurak nge nge pî yam sun mam mba led’a d’uo zu?

Sawal la giled’a 36:2

Zla d’a de d’a ndjendjed’a hi ma asa’atnid’a ei ni kurum krovo dei, nga mi le mandara Alona d’i.

Zla d’a d’ogolâ 5:21

Kayam Ma didina iram nga tinda yam tita hi sumid’a pet, nga mi gol sun mazid’a pet mi.

Zla d’a d’ogolâ 16:25

Ata yima dingâ sana nga mi djib’er ala tit mamba ni djivid’a. Wani dabid’a ti imî kur matna.

Daniel 5:27

TEKEL ad’ut nala Ngad’a: A ngang yam vama nga ahlena, a wala angî afefeta.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Vama ndum mbeina 2:18

Ang b’ir mbaktumba mi malaika ma nga yam Tok ka Tiyatir-rina. Wana nahle suma Alona Gorom ma iram mba gola d’igi sin akud’a na ma asem mi wile d’igi kawei ma hleu ma a gum aduk aku d’a tchafa na na mi dazina:

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

Zla d’a d’ogolâ 12:15

Sama lilid’a mi gol sun mamba ni djivid’a iramu, wani sama nga mi hum d’al ma ded’ina ni sama ned’a.

Ndumba 22:32

Malaikana hi Ma didinina mi dum ala: Ni kayam me ba, ang wat koro manga hina wawat yang hindi ge? Gola! An ndeï woi ná d’eleng lovota, kayam lovot ta ang hlat wanda ni lovot ta ing kur bad’id’a.

Suma ka sariyad’a 7:6

Suma a zlak mbina ni zlagana, ablawazi ni kikis hindi. Suma a ar pet wana ni suma a tchuk guguvazi kä á tche mbinina.

Suma ka sariyad’a 17:6

Kur atchogoi ndata amul nga aduk Israel-lâ d’i; nge nge pî mi le ni vama mam hurum minima.

Zla d’a d’ogolâ 17:3

Deina ni vama a yor ki kawei ma hapmina, fürâ ni vama a yor ki lorina mi, wani Ma didina ni ma kuk hur sumina.