Zla d’a d’ogolâ 15:8 - Bible azumeina

⁸ Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 15:8 Referans Kwoze

Zla d’a d’ogolâ 15:29

Ma didina nga mi hut tam mbei dei ki suma asa’atna, wani nga mi hum tchenda hi suma d’ingêrîd’a.

Zla d’a d’ogolâ 21:27

Vama ngat buzuna hi suma asa’atnina ni vama ndjendjed’a, ni vama ndjendje ma kalâ ata yima azi mbam ki djib’er ra tchod’ina mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Zla d’a d’ogolâ 28:9

Sama nga mi tos humam mbei á hum gatina, Alona mi gol tchen mamba ni vama ndjendjed’a.

Isai 61:8

Kayam an Ma didina ni min ni sariya d’a ka d’a d’ingêra, wani an noî hurumba ki sun nda tchod’a woyo. Gagazi, an mba ni wuragazi ngad’a yam sun mazi d’a azi lata, an mba ni djin vunan ki sed’ezi djin nda didinda.

Jean 4:24

Alona ni muzu’â. Sumala a kud’uromu na, mbeî a kud’uromî kur muzu’â ki gagazid’a mi.

Ma tchi wala 5:1

Ar ang le zazak á de zlad’a, d’oze ang he hurung á de zlad’a ablaud’a avok Alona d’i. Kayam Alona mi sä nakulo, angî ka hî yam andagad’a. Kayam ndata, ang zul zla d’a ded’a ablaud’a d’i.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Sawal la kal teglesa 2:14

Gugu manda, ndak ka nga kaka angra ahinad’id’a, ndak ka nga ngei d’a kä ata yima ligitimid’a, ar an wak iragu, ar an humuk delegu, kayam delek ki djivid’a, irak ki djif heî mi.

Sawal la giled’a 17:1

David mi tchen Alona. Ma didina, ang hum tchen man nda d’ingêra, ang tin humang á hum tchi mana, kayam an nga ni tcheneng ki hur ma tuna.

Sunda hi suma hi Levi-nid’a 7:18

Le sana mi mut hliu vama mam hum vama ngat buzu ma zlap darigïd’a kur bur ma hindina ni, he d’a hawa mam ndata, an Alona mba ni vat abom mbi, mba ni ndumut ala sa máma mi he va d’uo mi, kayam ti mbut ni vama ndjendjed’a; sama mi mud’utna, zlad’a nga kamu.

Zla d’a d’ogolâ 10:24

Vama sama asa’atna nga mi lum mandarama, ni mam ba, mba mi mba kamu, wani vama suma d’ingêrâ a nga minima, Alona mba mi haziziya.

Zla d’a d’ogolâ 15:7

Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Zla d’a d’ogolâ 21:3

Tit ta yam d’ingêra ki gagazid’id’a ni vama le Ma didina tam djivid’a kal ahle suma ngat buzunina.

Mise 6:7

Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Wana ni mbaktumba hi Aze-d’a 2:14

Ata yi máma Aze mi hulong dazi ala: Ma didina mi dala: Andjaf suma a nga kaka yam ambas sa wandina ni hina dedege; sun nda azi nga lat kabozid’a ni hina dedege mi. Vama azi nga handji ata yima ngat buzunina ni vama ndjendjed’a iranu.

2 Samuel 15:12

Kid’a Apsalom nga mi he he d’a hawa d’a ngat buzunid’a, mi ge sunda hur azì ma ngol ma Gilo-na, mi yï Ahitofel ma de d’alâ mi David-na. Ndjak vun mazi ma gumun máma mbut ngola; suma ablaud’a a i ad’u Apsalom.

1 Amuleina 3:10

Tchenda hi Salomon ndata ti le Ma didina tam djivid’a.

Sawal la giled’a 141:2

Ar tchen manda ti i akulo avorong d’igi andosâ hi dubang ma his djivid’ina na; abon ma an yom akulo á tchendina, mi i akulo avorong d’igi vama ngat buzu ma fladegena na mi.

Daniel 9:23

Ata yima ang tin ad’ud’a á tchen Alona tchen nda hud’ina, mi geï sunda á dang zlad’a, an mba ná dangziya, kayam Alona mi le kang heî. Ang ve zla ndata djiviya, ang wäd’u vama mi nde tam mbei irangâ mi.

Mise 6:6

Agi nga dagi ala: Ei i avok Ma didina ni ki me ge? Ei grivi kä avok Salad’a Alo ma sä akulo ma kal teglesâ ni ki me ge? Ei humî gor amuhl ma bizam tuna vama ngat buzu ma ngala zu?

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.