Zla d’a d’ogolâ 15:7 - Bible azumeina

⁷ Zla d’a ti ndavun suma ned’id’a ti ya’î wed’a, wani suma lilid’a djib’er mazid’a ti nga hina d’i.

Zla d’a d’ogolâ 15:7 Referans Kwoze

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Jacques 3:6

Sinda ni d’igi akud’a na. Ndat ni duniya d’a tchod’a, ti nga naduk hliu teya, nga d’i mbud’um ndjendjed’a pet. Nga d’i ngalei ari meid’a woi pet kaku d’a tcholï Jahanamid’a.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Matiye 10:27

Zla d’a an dagizi andjeged’a, agi dat tei faleya; vama agi humugizi gumuna, agi tchum walam mbei yam azuweina akulo.

Sawal la kal teglesa 4:11

Amanda, vunak ma dalalâ mi sor kä d’igi mbul ayuma na, sinak ka de zlad’a ti ni d’igi mbul ayuma kambira na, hisâ hi baru ma’îna mi his afufuîd’a d’igi hisâ hagu ma Liban-na na.

Sawal la giled’a 119:13

Nga hur mang ma ndeï avunangâ, an mba ni ndumum mbei ki vunan tutu pet.

Sawal la giled’a 45:2

Hurun nga oîd’a ki zla d’a djivid’a. An nga ni dala: Sun man nda an nga ni lata ná subur amulâ! Ar sinan ka’î d’igi sama d’al ma b’ir djivid’a heîna na!

Sawal la giled’a 37:30

Zla d’a ndavun ma d’ingêrîd’a ni d’alâ, mi de ni zla d’a gagazid’a mi.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

Zla d’a d’ogolâ 15:2

Zla d’a de d’a ndavun suma ned’id’a ti ta’î we d’a djivi d’a kala woi abua, wani zla d’a ndavun suma lilid’id’a ti ta’î lilid’a woi abu mi.

Zla d’a d’ogolâ 15:6

Azina hi ma d’ingêrîna mi nga oîd’a ki ndjondjoîd’a, wani fed’a hi sama asa’atnid’a ndaka nga kua.

Zla d’a d’ogolâ 15:8

Vama ngat buzuna hi suma asa’atnina ni vama ndjendjed’a ir Ma didina, wani tam nga d’i lum djivid’a yam tchenda hi suma d’ingêrîd’a.

Zla d’a d’ogolâ 5:2

kayam ang kak ki djib’er ra djivid’a, ang ar vunang ngom wed’a mi.

Zla d’a d’ogolâ 16:23

Sama ned’a nga mi djib’er djib’er tua ba, mi de zlad’a, zla d’a ndavunamba nga d’i im avogovok mi.

Ma tchi wala 10:2

Sama ned’a mi le ni sun nda irata, wani sama lilid’a mi le ni sun nda gunda.