Zla d’a d’ogolâ 15:4 - Bible azumeina

⁴ Zla d’a djivi d’a ndavun sanid’a nagu ma harid’ina, wani zla d’a ata yat tuo d’a ndavun sanid’a ti b’la’î hur sana.

Zla d’a d’ogolâ 15:4 Referans Kwoze

Zla d’a d’ogolâ 12:18

Sama mi tchit wü na, mi tchok sana mbilâ ni d’igi mbigeu d’a fiyaka na, wani zlad’a hi suma ned’id’a ti tchil sana ni tchila.

Zla d’a d’ogolâ 16:24

Zla d’a de d’a djivid’a ti ni d’igi mbul ayuma na, ti adjib’eta yam sana, ti ni kumana yam hliu tad’a mi.

Zla d’a d’ogolâ 18:8

Zla d’a ndavun sama gigined’id’a, ti ni d’igi ambla d’a mbulâ na, ti kal kur sana gak ti i kur bibiriyamu.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Zla d’a d’ogolâ 18:14

Ve tad’a hi sanid’a ti ndak á ndjunum kur tugud’ei mamba, wani le ve tad’a ti nga d’uo ni, ni nge ba, mba mi tcholom akulo ge?

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

1 Timote 6:3

Le sana nga mi hat hat ta ding nga ndjak nga ki zla d’a gagazid’a hi Saleina Jesus Christ-sa d’uo, le hat mamba ndjak nga ki hat ta yam he gagazi meid’id’a d’uo miyu ni,

Zla d’a d’ogolâ 26:22

Zla d’a ndavun sama gigined’id’a, ti ni d’igi ambla d’a mbulâ na, ti kal gak ti i kur bibirina.

Sawal la giled’a 109:22

An ni ma hohou ma houd’a, hurun mi b’lak kakazeî mi.

Zla d’a d’ogolâ 15:3

Ma didina iram nga ata yina pet á gol suma asa’atna ki suma djivina mi.

Zla d’a d’ogolâ 15:5

Ma lilid’a nga mi gol hata habumba is, wani sama mi ve ngopa atama mba mi kak ki ned’a.

Zla d’a d’ogolâ 10:11

Zla d’a ndavun suma d’ingêrîd’a ni sidei arid’a, wani zla d’a ndavun suma asa’atnid’a ni murud’umba.