Zla d’a d’ogolâ 15:12 - Bible azumeina

¹² Ma las suma nga mi min ala sa mi ngobom mbi, nga mi i gen suma ned’a d’uo mi.

Zla d’a d’ogolâ 15:12 Referans Kwoze

Amos 5:10

Agi nga noyôgi sama nga mi de zla d’a d’ingêra avun agre’â ata yima ka sariyad’ina, agi nga gologi sama mi le glangâs ma iratnina is mi.

Wana ni mbaktumba hi Job-pa 21:14

Wani a nga de mAlona ala: Ang huttcha woi gevemi dei, ami min tid’imi yam gat manga d’i.

2 Timote 4:3

Kayam yina mba mi mba, suma a mba hum hat ta gagazid’a d’i, wani tazi mba lazi zlezleû á hum zla d’a azi min á humuta. Kur d’od’ok mazid’a azi mba yi suma hat suma ablaud’a yam taziya.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Zla d’a d’ogolâ 15:10

Sama mi d’es sei kur lovotina a mba ngobom ngop pa ad’enga, wani sama mi noî ngopina mba mi mit teyo.

2 Sunda Hamuleinid’a 18:7

Amul ma Israel-lâ mi hulong dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi hulong dum ala: Amulâ, ar ang de hina d’i!

Zla d’a d’ogolâ 13:1

Gor ma ned’a mi humî hata habumba, wani gor ma yam mba ad’enga nga mi hum ngopa d’i.

Zla d’a d’ogolâ 1:22

Agi suma bei wäd’u zlad’a ba na, agi mba lagi yam bei wäd’u magi ndata hina gak mindja ge? Agi suma las suma, tagi mba d’i lagi djivid’a yam las magi ndata hina gak mindja ge? Agi suma lilid’a, agi mba noyôgi wed’a hina gak mindja ge?

Zla d’a d’ogolâ 14:6

Sama las sumina mi hal ned’a pî, nga mi fat ti. Wani wed’a ni vama afefetna ata sama wad’ud’a.