Zla d’a d’ogolâ 15:10 - Bible azumeina

¹⁰ Sama mi d’es sei kur lovotina a mba ngobom ngop pa ad’enga, wani sama mi noî ngopina mba mi mit teyo.

Zla d’a d’ogolâ 15:10 Referans Kwoze

Zla d’a d’ogolâ 12:1

Sama mi min ala suma a ngobomu na, mi min ni wed’a, wani sama mi min ngopa d’uo na ni sama lilid’a.

Jean 3:20

Kayam sama nga mi le tchod’ina, nga mi min b’od’a d’i, nga mi mba kur b’od’a d’uo mi, kayam mi min ala sun mam mba le d’a tchod’a ti nde woi abu d’i.

Zla d’a d’ogolâ 13:1

Gor ma ned’a mi humî hata habumba, wani gor ma yam mba ad’enga nga mi hum ngopa d’i.

Zla d’a d’ogolâ 10:17

Sama nga mi ngom hatina mi hle ni lovot ta i kur arid’id’a, wani sama nga mi noî ngopina mi vit ni tam mbeyo.

Jean 7:7

Suma duniyad’a a ndak á noyôgi d’i, wani a noyônu, kayam an nga ni le glangâsâ kazi ala sun mazi d’a led’a ni tchod’a.

Zla d’a d’ogolâ 5:12

Ang mba dala: Hiye! An le ni nana ba, an noî hata ge? An le ni nana ba, an gol ngopa is ke?

Zla d’a d’ogolâ 1:30

agi min humugi d’al mana d’i, agi gologi ngop manda is mi.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 18:17

Ata yima mi wuma, mi dum ala: Ni ang ma mba ndaka yam Israel-lîna d’ä?

Zla d’a d’ogolâ 23:35

Ang mba dala: A tonu, tan tan nga d’i; a mired’enu, an we nga d’i. An mba ni zlit akulo ni mindja ba, ni tche kua ge?

Zla d’a d’ogolâ 1:25

Agi aragi d’al man ma an dagizina woyo, agi gologi ngop manda tä mi.

Zla d’a d’ogolâ 15:9

Tita hi sama asa’atnid’a ni vama ndjendjed’a ir Ma didina, wani nga mi le yam sama nga mi tit yam d’ingêrina.

Zla d’a d’ogolâ 15:11

Yima azuleina ki zul la yiyik ka suma a ba woi kuad’a ni pid’ak ir Ma didina d’oud’a d’igi hur suma zu?

Wana ni mbaktumba hi Job-pa 34:27

Kayam azi wal lei ki sed’emu, azi tit nga yam gat mam tu d’i.

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Ezekiyel 33:9

Wani le ang ge hum ma asa’at máma á mbut hurum yam tit mamba ba, mi mbut nga hurum mbuo ni, mba mi mit kur sun mam mba ata yat tuo d’a, wani ang tang mba sut tangû.