Zla d’a d’ogolâ 13:12 - Bible azumeina

¹² Vama sana mi tin hurum kama le mi fum nga d’uo ni, mi tchugum tam susub’ok. Wani vama mi tin hurum kama le mi fumu ni, mi gram tam mbeyo.

Zla d’a d’ogolâ 13:12 Referans Kwoze

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Zla d’a d’ogolâ 13:19

Vama sana mi tin hurum kam ma mi ndagam vunama ni djivid’a kamu, wani wal tang ngei ki tchod’a ni vama ndjendjed’a ir suma lilid’a.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Sawal la giled’a 69:3

An nga ni rot kä aduk dorbopma, nga ni fe yima ad’eng ma ni tin asena d’i. Gola! An nga aduk galileina, abilâ nga mi hlanu.

Sawal la giled’a 143:7

Ma didina, ang hulongôn humba atogo zak, kayam an nga ni lá bad’a, ang ngei tang iran ndi, ar an mbut d’igi suma a tchuk kä kur zulina na d’i.

Ad’u Tinda 46:30

Israel mi de mi Josef ala: Ki tchetchem wanda, ar an mid’a, kayam an wang irang da’, ang nga ki irangû.

Sawal la kal teglesa 5:8

Agi yugunei suma Jerusalem-ma, an nga ni djobogiya: Le agi fagi ma an hurun vum heîna ni, agi mba duma na ge? Agi dum ala an mbut wa amangeîd’a kur od’a.

Vama ndum mbeina 22:2

nga mi djang ir palumba hazì mámid’a. Agu ma he arina mi nga avun alum máma abo hî abo hî, nga mi vut yam dogo yam mbà kur bizad’a tu, til ma lara ge pî, nga mi vut yam tutu. Humam ni vama sut andjaf suma.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Zla d’a d’ogolâ 13:11

Ndjondjoî d’a a fat ki mbut irid’a, mba d’i feyâ, wani sama nga mi tok ahlena ndendena, mba mi i avogovogo.

Zla d’a d’ogolâ 13:13

Sama mi gol gata isâ mba fe ndaka, wani sama le mandara vun ma hed’ina, mba mi fe wuraka.

Nehemi 2:2

Amulâ mi dan ala: Ni kayam me ba, ang hineî tang hina ge? Ang nga tugud’ei d’uo ko mi na; ni zla me tang hurung nge? Ata yi máma an mbut mandarâ ngola.