Zla d’a d’ogolâ 13:11 - Bible azumeina

¹¹ Ndjondjoî d’a a fat ki mbut irid’a, mba d’i feyâ, wani sama nga mi tok ahlena ndendena, mba mi i avogovogo.

Zla d’a d’ogolâ 13:11 Referans Kwoze

Zla d’a d’ogolâ 20:21

Djo ma b’at ma a b’ad’am avo’â, b’e vuna nga kam bugol li.

Zla d’a d’ogolâ 10:2

Ndjondjoî d’a a fat ki mbut irid’a zlat nga d’i, wani d’ingêra nga d’i prut sana woi avun matna.

Zla d’a d’ogolâ 28:8

Sama nga mi i ndjondjoî mamba avok ki bege d’a mi hat mi suma ki mbiyo ma ngolîd’a, mi togot ni mi sama nga mi hahlena mi suma kid’akina.

Zla d’a d’ogolâ 28:22

Sama d’od’oka nga mi b’at tam atogotogo á mbut tam ndjondjoîd’a, wani mi we nga d’ala mam mba mi nde ni kur houd’a d’a d’i.

Zla d’a d’ogolâ 28:20

Sama d’engzengâ, a mba b’e vuna kam ngola, wani sama mi b’at tam á mbut ma ndjondjoînina, a mba ar bei ngobom mbi.

Jeremi 17:11

Sama yo ahlena abo suma ki mbut irina, mi hle tamî d’igi alei ma mi bur yam ase ma mam gum nga ni mam mbuo na na. Ndjondjoî mamba mba d’i dap pei abom bei burum dap ba, dabid’a mba mi mbut ni d’igi sama lilid’a na.

Sawal la giled’a 128:2

Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Wana ni mbaktumba hi Job-pa 20:15

Nga mi lik ndjondjoîd’a, wani mba mi hulong vinit teyo; Alona mba mi yot tei kurumu.

Ma tchi wala 5:14

D’igi mi ndeï woi kur asum na, mi hulongî gandila d’igi mi mbeï na, nga mi hle vama mam kau ki tama abom tu d’uo mi.

Zla d’a d’ogolâ 13:10

Sama yam mba ad’enga mi tchu’î huneîd’a aduk suma, wani ned’a a fat nata suma a hum d’al ma ded’ina.

Zla d’a d’ogolâ 13:12

Vama sana mi tin hurum kama le mi fum nga d’uo ni, mi tchugum tam susub’ok. Wani vama mi tin hurum kama le mi fumu ni, mi gram tam mbeyo.

Zla d’a d’ogolâ 21:6

Suma a nga fe ndjondjoîd’a ki mbut irina ni suma lili suma nga hal matnina.