Zla d’a d’ogolâ 12:8 - Bible azumeina

⁸ Suma a nga yor sana ni yam wäd’u mamba, wani sama hurum tchod’ina, suma a nga golom is.

Zla d’a d’ogolâ 12:8 Referans Kwoze

2 Korente-na 10:18

Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Wana ni Zla d’a Djivi d’a Luc mi b’irita 16:8

Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Zla d’a d’ogolâ 5:23

Mba mi mit ni yam bei hum hat mamba. Lili mam mba kal kamba mba d’i bam mbei mi.

Zla d’a d’ogolâ 3:35

Suma ned’a a mba te subura djona, wani suma lilid’a a mba te zulo ma ngolâ djona mi.

Zla d’a d’ogolâ 1:26

Kayam ndata, an pî mba ni san ad’ugi kur bur ma ndaka mba d’i mba kagina, an mba ni lazagi kur bur ma mandarâ mba mi lagina mi.

Sawal la giled’a 132:18

An mba ni tchuk zulona ata mam suma djangûna d’igi a tchuk baruna atazi na, avaval la kamba mba d’i wile mi.

Ad’u Tinda 41:39

Faron mi de mi Josef ala: Kayam Alona mi tagang ahlena pet, sama d’al ma ne ma d’igi ang na na nga d’i.

1 Samuel 25:17

Ki tchetchemba, ndak we zla ndata, ndak we vama ndak luma. Bei aboina ba, b’laka mba d’i mba yam saleina ki sum mama pet. Mam mbei ni sama asa’at ma sa ndak á dum zla d’a hina d’a d’uo na.

1 Samuel 18:30

Ata yi ma amulei suma Filistê-na a nga buzuk abagei á dur ayîna ki Israel-lîna, David nga mi tchi suma ngola kal ndrom azungeîna hi Saul-lâ pet; kayam ndata simiyêm nde yïna ngola.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

Ma tchi wala 8:1

Ni nge ba, ni ma ned’a ge? Ni nge ba, mi we á väd’u ahlena woi ge? Ned’a hi sanid’a ti nga d’i zud’um á le furîd’a, iram mba d’us dudurupa pî, ti mbut djivid’a.

Zla d’a d’ogolâ 12:7

Ata yima a zut suma asa’atna kä na, va mazi nga mi ar blogozi d’uo d’a, wani suma hi suma d’ingêrîna a mba ar tchola ngingring.

Zla d’a d’ogolâ 12:9

Hotei ang gol tangî va d’uo, ang kak kazongâ tu go, kal la ang subur tang ala angî va ba, ang nga fe vama te d’uo d’a.

Zla d’a d’ogolâ 29:27

Sama tchona mi ni vama ndjendjed’a ir sama d’ingêrâ, sama d’ingêrâ mi ni vama ndjendjed’a ir sama tchona mi.

Isai 19:14

Ma didina mi hazi muzuk ma tchazi tatana adigazi á vit Ezipte-na woi kur sun mazid’a pet d’igi sana mi gurut ki süma, mi tib’ak tam ki vin mama na.

1 Samuel 2:30

Kayam ndata, an Ma didina Alona hi Israel-lîna an nga ni dangû: An hle vunan adjeu mi suma habungâ ki sum mangâ ala: Agi mba kagagi ni man suma ngat buzuna gak didin. Wani ki tchetchemba, an nga ni dang ngei mbak ala: Nga na d’uo d’a! An nga ni he ngola mi suma a nga han ngolina; wani suma a nga golon isâ, an mba ni golozi is mi.