Zla d’a d’ogolâ 12:12 - Bible azumeina

¹² Suma asa’atna a nga le d’od’oka yam ahle suma suma tchona a nga yozina, wani suma d’ingêrâ a ni d’igi sidei agu ma vut heîna na.

Zla d’a d’ogolâ 12:12 Referans Kwoze

Jean 15:5

An ni guguzlud’a, agi nabona. Sama nga kaka zlapa tu ki sed’ena, an nga kurum mi. Hina wani, mba mi vut ngola, kayam bei an ba ni, agi ndak á lagi va yam tagi d’i.

Isai 37:31

Suma a sut tei aduk suma Juda suma a mba ar kakina, sideyezi mba mi sir kä aduk andagad’a d’igi aguna na, a mba vut ngola.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Sawal la giled’a 10:9

Mi nga ngeid’a gumun d’igi azlona mi nga ngeid’a ata yam ma domina na, mi nga ngeid’a á ve suma hohoud’a, nga mi lop vun suma hohoud’a á ve kabei mamba.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Romê-na 6:22

Wani ki tchetchemba, agi buzugugi woi kur tchod’a, agi mbud’ugi wa magumeina hAlonina mi. Hina, agi nga tid’igi kur lovot ta d’ingêra yam Alona; dabid’a nari d’a didinda mi.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Zla d’a d’ogolâ 10:15

Fed’a hi sama ndjondjoînid’a ni d’igi azì ma ngol ma ad’eng ma ngunguna na, wani b’laka hi suma houd’id’a ni hou mazid’a.

Sawal la giled’a 9:15

kayam an i tagang subur manga woi kua pet avok suma Siyon-na tala an le furîd’a yam sut manga d’a.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Zla d’a d’ogolâ 21:10

Sama asa’atna djib’er mamba ni yam tcho d’a led’a, nga mi we hohowa banam mbuo mi.