Zla d’a d’ogolâ 12:11 - Bible azumeina

¹¹ Sama mi zum asine mamina mba mi hop ki tena, wani sama mi tit bugol ahle suma hawa ya’îna ni sama bei wäd’u zlad’a ba na.

Zla d’a d’ogolâ 12:11 Referans Kwoze

Zla d’a d’ogolâ 28:19

Sama nga mi zum asinema mba mi fe tena ngola, wani sama mi tit bugol ahle suma hawa ya’îna, mi nde ni houd’a.

Zla d’a d’ogolâ 14:23

Sun nda lara ge pet wurak mata nga, wani zla d’a de d’a hawad’a ti mbangî ki meid’a.

Sawal la giled’a 128:2

Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Efes-sâ 4:28

Sama kul adjeuna, ar mi kul luo d’a, wani ar mi le ni sunda kabom á fahlena á ndjun suma houd’a.

2 Tasaloni’â 3:8

Ami tami nga avu hi sa hawa d’i, wani kur ndaka ami lami sunda andjege ki faleya, kayam ami mbud’umi vama anek yam sa adigagi d’i.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

Zla d’a d’ogolâ 14:4

Le amuzleina nga d’uo ni, a nga fawu ma tchuk avir ri. Ni yam ad’enga hamuhlîd’a ba, a fawuna ngola.

Zla d’a d’ogolâ 7:7

An gol aduk suma bei wäd’u zlad’a ba na, an we gor azong ma lilid’a aduk gro azungeîna.

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Zla d’a d’ogolâ 6:32

Wani sama mi le mizeuna katchad’a hi sanid’ina ni sama bei wäd’u zlad’a ba na, sama mi min ba tam mbeina, mi le ni hina.

Zla d’a d’ogolâ 9:16

Ar sama lara ma bei wäd’u zlad’a ba na mi mbeï ka hî. Nga d’i de mi ma lilid’a ala:

Zla d’a d’ogolâ 9:13

Atcha d’a lilid’a natcha d’a zlad’a ndavunat ta yat nga d’uo d’a, ti we nga va tu d’uo mi.

Sawal la giled’a 26:4

An nga ni kak zlapa ki suma ka zlad’a d’i, an nga ni tit ki suma mbut ira d’uo mi.

Suma ka sariyad’a 9:4

Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.

Zla d’a d’ogolâ 27:27

Ambir b’ogeina ni te ma yam sum mangâ ki yugunei mangîna mi.

Zla d’a d’ogolâ 13:23

Asine ma sama houd’a mi zumuma nga mi wul awuna ngola, wani ma dingâ nga mi b’lak kei kayam salama nga ni sama d’ingêrâ d’i.

Zla d’a d’ogolâ 20:13

Le ang kal yang ki sen ma burâ ni, ang mba mbut sama houd’a, wani le ang bur sena djedjeged’a ni, ang mba hop ki tena.