Zla d’a d’ogolâ 11:12 - Bible azumeina

¹² Sama mi gol ndrama isâ ni sama bei wäd’u zlad’a, wani sama ned’a mi ka’î ki vunam ma du’â.

Zla d’a d’ogolâ 11:12 Referans Kwoze

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

Zla d’a d’ogolâ 10:19

Sama tchit heîna nga mi ba bei le tchod’a d’i, wani sama nga mi ngom vunam ped’etna ni sama wäd’u zlad’ina.

Wana ni Zla d’a Djivi d’a Luc mi b’irita 18:9

Jesus mi de zla d’a d’ogola yam suma a nga djib’er ala azi ni suma d’ingêrâ avok Alona, a nga gol suma dingâ is mi na.

Wana ni Zla d’a Djivi d’a Luc mi b’irita 16:14

Fariziyêna a hum zla ndata pet, a ngulumu, kayam azi ni suma a le yam beged’ina.

Zla d’a d’ogolâ 14:21

Sama mi gol ndrama isâ mi le ni tchod’a, wani sama mi we hohowa ma hohoud’ina mi le furîd’a.

2 Amuleina 18:36

Wani suma pet suma a nga ata yi mámina a kak silil, a hulongôm nga zla d’a de tu d’i, kayam amulâ Ezekiyas mi hazi vuna ala azi dum zla d’i.

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.

Suma ka sariyad’a 9:38

Zebul mi hulong dum ala: Zla d’a ang dat fatid’a, ti nga ni lara ge? Ang dami ala: Abimelek ni nge ko ba, ei lum sunda ge d’uo zu? Ni suma ang golozi isâ d’uo zu? Ki tchetchemba, ang i atam durâ da’!

Zla d’a d’ogolâ 6:32

Wani sama mi le mizeuna katchad’a hi sanid’ina ni sama bei wäd’u zlad’a ba na, sama mi min ba tam mbeina, mi le ni hina.

Zla d’a d’ogolâ 11:11

Ni yam b’e vuna hi suma d’ingêrîna ba, azina nga mi i avogovogo, wani suma asa’atna a b’lagamî ki zla d’a de d’a avunazid’a.

Zla d’a d’ogolâ 11:13

Sama nga mi tchuk zla d’a aboina yam ndrama aduk sumina, nga mi de woi yam zla d’a gumunda, wani sama mi nga ki djib’er ra iratina, mi ngeyet ni kä kurumu.