Zla d’a d’ogolâ 11:10 - Bible azumeina

¹⁰ Ata yima suma d’ingêrâ a nga ki furîd’ina, suma hur azì ma ngolîna a le furîd’a mi; ata yima suma asa’atna a bona, suma hur azina a nga aî mi.

Zla d’a d’ogolâ 11:10 Referans Kwoze

Zla d’a d’ogolâ 28:12

Ata yima suma d’ingêrâ a kusâ, suma a fe djivid’a pet, wani ata yima suma asa’atna a kusâ, nge nge pî, mi halî yima ngeid’a.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.

Zla d’a d’ogolâ 28:28

Ata yima suma asa’atna a nga te yambina, nge nge pî, mi halî yima ngeid’a. Ata yima a puk kä na, suma d’ingêrâ a mba te yamba blangâziya.

Wana ni mbaktumba hi Job-pa 27:23

A mba tchabozi yam zla mamba, a mba yi tazi ki feta kam ata yima mam nga kuana.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

2 Amuleina 11:20

Suma kur ambasina pet a nga le furîd’a. Suma kur azì ma ngolîna a kak ki halasa yam tchi d’a a tchi Atali woi kur azì ma amulid’a.

Zla d’a d’ogolâ 11:11

Ni yam b’e vuna hi suma d’ingêrîna ba, azina nga mi i avogovogo, wani suma asa’atna a b’lagamî ki zla d’a de d’a avunazid’a.

Zla d’a d’ogolâ 29:2

Ata yima suma d’ingêrâ a zulâ, suma a kak ki furîd’a; ata yima sama asa’atna mi te yambina, suma a zamî taziya.

2 Sunda Hamuleinid’a 23:13

ti mbeï gen suma kur gong nga kud’ora hi Ma didinid’ina, ti gola. Ti wamulâ mi nga tchola ata yima nding ma avun agre’îna, suma nglona ki suma a bu aduveina a nga tchola gen amulâ. Suma kur ambasina pet a nga le furîd’a, suma a nga bu aduveina, suma hle sawala a nga kahle suma bud’a aboziya, a nga tak lovota á hle sawal la giled’a. Ata yi máma Atali ti haû baru matna woyo, ti er ad’ut akulo ala: Ihî ni mbut ira! Ihî ni mbut ira!

2 Sunda Hamuleinid’a 23:21

Suma kur ambasina pet a le furîd’a. Suma kur azì ma ngolîna a kak ki halasa, kayamba a tchi Atali woi dad’a.

Jeremi 51:48

Akulod’a kandagad’a kahle suma kuruzina pet, a mba hle sawal la furîd’a yam Babilon, kayam suma b’lak yina a tcholï abo ma norâ, a mba kad’u. An Ma didina ni de na.