Zla d’a d’ogolâ 10:9 - Bible azumeina

⁹ Sama mi tit tit ta ata yatina nga mi kak ki halasa, wani sama nga mi tit tit ta ata yat tuo d’ina, ad’um mba d’i ge woyo.

Zla d’a d’ogolâ 10:9 Referans Kwoze

Zla d’a d’ogolâ 28:18

Sama nga mi tit kur lovot ta d’ingêrina mba mi kak ki halasa, wani sama nga mi tit kur lovot ta mbàmbà d’a gundina mba mi nde kä kur ra dinga tu.

Matiye 10:26

Jesus mi had’azi kua ala: Ar agi lagi mandara suma d’i, kayam vama nga ngeid’a kä ma a mba ba bei ndum mbei pid’a’â nga d’i, d’oze vama nga gumun kä ma a mba ba bei wuma nga d’uo mi.

1 Timote 5:25

Hina mi, sun nda djivid’a ti nga ni woi abu pid’agï, wani ta nga woi pid’ak kuo d’a pî ti nga ni ngeid’a d’uo mi.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Zla d’a d’ogolâ 3:23

Hina wani, ang mba tit kur lovot manga bei mandarâ ba, aseng mba mi dap ata va d’uo mi.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Sawal la giled’a 25:21

An tin hurun ni kang angû; ang ngomon kur d’engzenga ki d’ingêra.

Zla d’a d’ogolâ 17:20

Sama nga ki hur ma tchonina nga mi fe djivid’a d’i, sama nga mi de zla d’a ata yat tuo d’ina nga mi nde kur ndaka mi.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Zla d’a d’ogolâ 26:26

Nga mi ngei noî ta mamba kä ki lem mamba, wani asa’at mamba ad’ut mba d’i nde woi aduk toka hi sumid’a.

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Wana ni mbaktumba hi Job-pa 8:20

Alona nga mi ar sama iratna woi d’i, nga mi ndjun suma asa’atna d’uo mi.

Zla d’a d’ogolâ 28:1

Sama asa’atna mi ringî bei sa mi digim ba, wani sama d’ingêrâ, mayîna ni d’igi azlo ma azongâ na.