Zla d’a d’ogolâ 10:3 - Bible azumeina

³ Ma didina nga mi ar sama d’ingêrâ meid’a tchum mbi, wani nga mi d’el suma asa’atna yam ahle suma azi minizina.

Zla d’a d’ogolâ 10:3 Referans Kwoze

Sawal la giled’a 37:25

An kazongôn dei, ki tchetchemba an mbut wa mamara, wani an we Alona mi ar nga sama d’ingêrâ woi yam tu d’i, andjavam nga mi talal á hal tena d’uo mi.

Sawal la giled’a 37:3

Ang deng tang ata Ma didina, ang le djivid’a mi. Hina wani, ang mba kak yam andaga manga, ang mba kak ki b’leng nga halasa mi.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Sawal la giled’a 37:19

Ata yima ndaka azi nga mbut zulona d’i, kur bur ma baktarad’a azi nga hoba.

Sawal la giled’a 33:19

á sud’uzi woi avun matna, á ndjunuzi á kak karid’a ata yima baktarad’ina mi.

Wana ni mbaktumba hi Job-pa 5:20

Mba mi sud’ung ngei avun matna kur yima baktarad’a, mba mi sud’ung ngei avun mbigeu d’a fiyaka kur ayî ma durâ mi.

Wana ni Zla d’a Djivi d’a Luc mi b’irita 12:31

Wani agi halagi leud’a hAlonid’a avok tua ba, mam mba hagi ahle suma arâ kam kua.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

Sawal la giled’a 112:10

Sama asa’atna mba mi we hina wani, mba mi ka guruta, mba mi mut siyamu, ad’engêm mba d’i dap pei mi. Suma asa’atna, min mazid’a mba d’i kal leyo.

Wana ni mbaktumba hi Job-pa 20:28

Ahle suma avo hatama a mba kal leyo, a mba dap pei kur bur ma Alona mba mi mba kayî mamina.

Sawal la giled’a 10:14

Wani ang tang nga we suma ndaka ki suma a nga kid’eyêzi irazina, ang nga tin irang kazi á ndjunuziya. Sama hohoud’a mi deng tamî atangû; angî ma ndjun sama hokuyod’ina.

Zla d’a d’ogolâ 13:25

Sama d’ingêrâ nga mi te mi hoba, wani sama asa’atna hurum nga tchi u’uyur abo meid’a.

Zla d’a d’ogolâ 28:9

Sama nga mi tos humam mbei á hum gatina, Alona mi gol tchen mamba ni vama ndjendjed’a.

Zla d’a d’ogolâ 28:25

Sama gol tam ala mam mi va na, nga mi djiu huneîd’a akulo, wani sama mi tin hurum yam Ma didinina mba mi kak kur duzîd’a.

Wana ni mbaktumba hi Job-pa 15:23

Mi nga mi tcha tata á hal tena, mi wala bur ma nduvunda nga mi djubumu.