Zla d’a d’ogolâ 1:7 - Bible azumeina

⁷ Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Zla d’a d’ogolâ 1:7 Referans Kwoze

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Zla d’a d’ogolâ 9:10

Le mandara Ma didina nad’u tinda hi ned’id’a, we Ma bei tchod’a ba na ni wad’ud’a mi.

Zla d’a d’ogolâ 15:33

Le mandara Ma didina hat ni ned’a, ge yam mba kä d’a avok tua ba, subura mba ni bugolo.

Zla d’a d’ogolâ 18:2

Sama lilid’a tam nga d’i lum djivid’a yam wad’ud’a d’i, wani ni yam djib’er mam mba mam tam tagat tei abud’a hol.

Zla d’a d’ogolâ 1:22

Agi suma bei wäd’u zlad’a ba na, agi mba lagi yam bei wäd’u magi ndata hina gak mindja ge? Agi suma las suma, tagi mba d’i lagi djivid’a yam las magi ndata hina gak mindja ge? Agi suma lilid’a, agi mba noyôgi wed’a hina gak mindja ge?

Romê-na 1:28

D’igi azi noî á wAlona na, Alona mi arazi kur djib’er mazi d’a tchod’a á lahle suma ata yazi d’uo na.

Zla d’a d’ogolâ 15:5

Ma lilid’a nga mi gol hata habumba is, wani sama mi ve ngopa atama mba mi kak ki ned’a.

Gat ta a hat á mbàd’id’a 4:6

Agi ngomoziya, agi tid’igi kazi mi. Hina wani, agi mba mbud’ugi ni suma ned’a ki suma wad’ud’a. Suma ding suma a mba we gat ndata ki vun ma he mama mi na, a mba de kagi ala: Andjaf ma ngol ma wana nandjaf ma ne ma wad’ud’a.

Zla d’a d’ogolâ 2:5

ata yi máma ang mba we á le mandara Ma didina, ang mba fe lovota á wAlona mi.

Zla d’a d’ogolâ 15:32

Sama mi noî hatina mi golî tam is, wani sama mi min ngopina mba mi mbut sama wad’ud’a.

Zla d’a d’ogolâ 23:9

Ar ang de zlad’a kä gen ma lilid’a d’i, kayam mi lasî zla mang nga ne d’a ang nga data.