Zla d’a d’ogolâ 1:5 - Bible azumeina

⁵ Ar sama wed’a mi hum d’ogol máma kayam we mamba ti i avogovogo, ar sama wad’ud’a mi hum d’ogol máma á we lovot ta tit ta irata mi.

Zla d’a d’ogolâ 1:5 Referans Kwoze

Zla d’a d’ogolâ 12:1

Sama mi min ala suma a ngobomu na, mi min ni wed’a, wani sama mi min ngopa d’uo na ni sama lilid’a.

Zla d’a d’ogolâ 9:9

Ang hat sama ned’a, mba mi mbut sama ned’a kala; ang hat wed’a mi sama d’ingêrâ, mba mi i avogovok kur we mamba.

1 Korente-na 10:15

An nga ni dagi zlad’a ni d’igi mi suma ned’a na: Agi kagi ir zla d’a an data.

Wana ni mbaktumba hi Job-pa 34:16

Job, le angî sama wad’ud’a ni, ang hum zla manda wana. Ang tin humang hum zla d’a an nga ni data.

Wana ni mbaktumba hi Job-pa 34:10

Agi suma wäd’u zlad’a, agi humunu! Alona nga ni sama asa’atna d’uo, Ma ad’engêm kal petna ni ma le sun nda ata yat tuo d’ina d’uo mi.

Wana ni mbaktumba hi Job-pa 34:34

Suma wäd’u zlad’a a mba de ni d’igi an na, suma ne suma a hum zla mandina, a mba de hina ala:

2 Sunda Hamuleinid’a 25:16

Kid’a mi nga mi de zlad’a tua d’a, Amasiya mi djobom ala: Na ni ni ami ba, tining á de d’alâ mi an amulâ zu? Ang ba vunangû! Ni kayam me ba, ang min ala a tong nge? Ma djok vun Alona mi ba vunamu. Bugol mi dum kua ala: An wala Alona mi nga hurum á tchang ngei kayamba ang le hina d’a. Ni kayam ndata ba, ang nga hum d’al ma an nga ni dangzina d’uo wana!

Zla d’a d’ogolâ 14:6

Sama las sumina mi hal ned’a pî, nga mi fat ti. Wani wed’a ni vama afefetna ata sama wad’ud’a.

Ma tchi wala 9:11

An wahle suma a nga le yam andagad’a ka hina kua d’ei. An we, ni suma a nga ring heîna hol ba, a fe wuraka d’i; ni grang suma dur ayîna hol ba, a kus ayîna d’i; ni suma ned’a hol ba, a fe tena d’i; ni suma wad’ud’a hol ba, a fe ndjondjoîd’a d’i; ni suma a wahlena heîna hol ba, a wazi hohowozi d’uo mi. Wani yima ndaka mba kazina nabo tazi tu.

Gat ta a hat á mbàd’id’a 4:6

Agi ngomoziya, agi tid’igi kazi mi. Hina wani, agi mba mbud’ugi ni suma ned’a ki suma wad’ud’a. Suma ding suma a mba we gat ndata ki vun ma he mama mi na, a mba de kagi ala: Andjaf ma ngol ma wana nandjaf ma ne ma wad’ud’a.

Wana ni mbaktumba hi Job-pa 34:2

Agi suma ned’a, agi humugi zla manda! Agi suma wäd’u zlad’a, agi tinigi humagi humundiya!

Zla d’a d’ogolâ 8:33

Agi humugi hata. Hina wani, agi mba mbud’ugi suma ned’a. Ar agi golot is si.

Zla d’a d’ogolâ 9:8

Ang ngop sama las suma tala mi noyông nguo d’a; ang ngop sama ned’a, mam mba mi le kangû.

Zla d’a d’ogolâ 18:15

Sama wad’ud’a nga mi hal wed’a, sama ned’a nga mi hal á hum wad’ud’a mi.

Zla d’a d’ogolâ 19:25

Ang to sama las suma, ma lilid’a mba mi mbut sama ned’a; ang ngop sama wad’ud’a, mba mi i avogovok kur wäd’u mamba.

Zla d’a d’ogolâ 21:11

Ata yima ang to sama las sumina, ma lilid’a mba mi mbut sama ned’a; ata yima ang hat sama ned’ina, mba mi i avogovok kur wed’a.