Zla d’a d’ogolâ 1:25 - Bible azumeina

²⁵ Agi aragi d’al man ma an dagizina woyo, agi gologi ngop manda tä mi.

Zla d’a d’ogolâ 1:25 Referans Kwoze

Wana ni Zla d’a Djivi d’a Luc mi b’irita 7:30

Wani Fariziyêna azi ki suma hat gata a noî minda hAlonid’a woyo, kayam azi min nga ala Jean mi lazi batemba d’i.

Sawal la giled’a 81:11

An ni Ma didina Alo magina! Ni an ba ni pad’agï woi avo Ezipte. Agi ngogi vunagi woyo, an mba ni oyôgiziya.

Zla d’a d’ogolâ 12:1

Sama mi min ala suma a ngobomu na, mi min ni wed’a, wani sama mi min ngopa d’uo na ni sama lilid’a.

Zla d’a d’ogolâ 1:30

agi min humugi d’al mana d’i, agi gologi ngop manda is mi.

Zla d’a d’ogolâ 5:12

Ang mba dala: Hiye! An le ni nana ba, an noî hata ge? An le ni nana ba, an gol ngopa is ke?

Sawal la giled’a 107:11

kayam azi tchila yam gata hAlonid’a, kayam azi gol zla d’a ded’a hi ma sä akulo ma kal teglesîd’a is.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

1 Samuel 8:18

Kur bur máma agi mba tchigi yam Ma didina yam amul ma agi manama, wani Ma didina mba mi humugi d’i.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

Zla d’a d’ogolâ 15:10

Sama mi d’es sei kur lovotina a mba ngobom ngop pa ad’enga, wani sama mi noî ngopina mba mi mit teyo.

Jeremi 35:17

Ni kayam ndata ba, an Ma didina Alo ma ad’engên kal petna, Alona hi Israel-lîna, nga ni dagiya: Gola! An nga ni mba ki ndak ka an dat zlata yam suma Juda-na, yam suma a nga kaka kur Jerusalem-ma pet mi, kayam an dazi zlad’a, wani azi humun nga d’i; an yaziya, wani azi hulong nga humba d’uo mi.

Gat ta a hat á mbàd’id’a 1:45

Kur hulong magid’a agi tchigi avok Ma didina. Wani mi hum nga tchi magina d’uo mi na, mi tin nga humam kagi d’uo mi.

2 Sunda Hamuleinid’a 33:10

Ma didina mi de mi Manase ki sum mama hina kö, wani azi nga hum mbi.