Zla d’a d’ogolâ 1:21 - Bible azumeina

²¹ nga d’i yi suma avun grak lovot ta suma a nga le vuna kua gandjaud’a, nga d’i tchi wal mata avun azì ma ngolâ ala:

Zla d’a d’ogolâ 1:21 Referans Kwoze

Sunda hi suma a sunuzinid’a 5:20

Agi igiya, agi i tchologi kur gong nga kud’ora hAlonid’a, agi tchagi wala mi suma pet yam ari d’a awilid’a.

Matiye 13:2

Ablau suma a togï gevem ngola gak mi djak mi kak kur alumba, ablau suma a kak kä avun apod’a.

Matiye 10:27

Zla d’a an dagizi andjeged’a, agi dat tei faleya; vama agi humugizi gumuna, agi tchum walam mbei yam azuweina akulo.

Zla d’a d’ogolâ 9:3

Ti sun yugunei matna, nga d’i yi suma akulo yam yima nding ma hur azì ma ngolîna ala:

Jean 18:20

Jesus mi hulong dum ala: An nga ni de zlad’a woi mi suma duniyad’a mbambak, an nga ni hat teteu kur gongîyo magi suma toka, kur gong nga kud’ora hAlonid’a mi, ata yima Juif-fâ a nga toka kuana, an de nga zla d’a ngeid’a d’uo mi.

Zla d’a d’ogolâ 1:20

Ned’a nga d’i tchi wala woi abu ir palumba, nga d’i de zlad’a ki delet akulo ata yima a tok kua na,

Zla d’a d’ogolâ 1:22

Agi suma bei wäd’u zlad’a ba na, agi mba lagi yam bei wäd’u magi ndata hina gak mindja ge? Agi suma las suma, tagi mba d’i lagi djivid’a yam las magi ndata hina gak mindja ge? Agi suma lilid’a, agi mba noyôgi wed’a hina gak mindja ge?

Zla d’a d’ogolâ 8:1

Ned’a nga d’i yi akulo d’uo zu? Wad’ud’a nga d’i de ki delet akulo mi d’uo zu?

Zla d’a d’ogolâ 8:3

Ti nga d’i er ad’ut akulo avun agre’â ata yima suma a nga kal ki hur azì ma ngolîna, ti nga d’i er ad’ut akulo avun azina ala: