Zakari 6:7 - Bible azumeina

⁷ Akulumei suma hleuna a i a djop ala azi i ngui tita yam andagad’a. Malaikana mi dazi ala: Agi i nguyugï tita yam andagad’a. Azi i ngui tita yam andagad’a mi.

Zakari 6:7 Referans Kwoze

Zakari 1:10

Sama nga tchola aduk agu mirtenina mi dan ala: Azi nakulumei suma Ma didina mi sunuzï á ngui tita yam andagad’ina.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Daniel 7:24

Aduvei suma dogo ndazina namulei suma dogo suma a mba tchol kur leu ndatina. Ma dingâ mba mi tcholï blogoziya, wani mi nga d’igi suma avo’â na d’i. Mam mba mi kus yam amuleina hindi adigaziya.

Daniel 7:19

Bugola, an min wad’ud’a yam ambur ma fid’i ma mi nga d’igi ndrom suma hindina na d’uo, ma tcho d’a kal ma siyam d’igi kaweina, na ma lilivim d’igi kawei ma hleuna na, ma mi mut ahlena mi kizagazi woi kikizek mi mired’ezi ad’uzi d’a ara kä kasema.

Ad’u Tinda 13:17

Ang tchol akulo, ang tit yam andagad’a, ang wat fiyagat ki bubuwad’u, kayam an mba ni hangziya.

Ndumba 21:4

Israel-lâ a tchol yam ahina d’a Hor-ra, a hle lovot ta i avun alum ma ngol ma Tchereunid’a á ngui woi keng ambas sa Edom-mba. Suma tazi tchuk susub’ok kur lovota,