Zakari 6:1 - Bible azumeina

¹ Vama dingâ mi nde tam mbei iran kua. An we pus ma dur ayîna fid’i mi buzuk kei aduk ahuniyôna mbà. Ahuniyô ndazina ni kawei ma hleuna.

Zakari 6:1 Referans Kwoze

Daniel 8:22

Adif ma fid’i ma mi vrak balum ma mi kus seina ni leu d’a fid’i d’a mba d’i tchol aduk andjaf mamid’a. Wani ad’eng mata mba d’i ndak ki mamba d’i.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Sunda hi suma a sunuzinid’a 4:28

A lahlena pet suma ang gazi kur ad’eng manga ki min manga avok dei á led’ina.

Zakari 6:5

Malaika máma mi hulong dan ala: Azi ni simet ma fid’i ma akulo ma buzugï woi ata yam ma tchola avok Salad’a ma te yam andagad’a petna.

Zakari 5:1

Vana nde tam mbei iran kua. An we mbaktum mba d’uta ti pir akulo.

Daniel 4:35

Suma a nga kaka yam andagad’ina pet mi golozi ni d’igi vama hawana na. Nga mi le kahle suma akulona kahle suma yam andagad’ina d’igi hurum min na. Sama d’elem á le va nga d’i, sama mi ndak á djobom ala: Ang le ni me na ge na nga d’uo mi.

Daniel 4:15

Wani agi aragi abuwam ki sideyem kä andaga aduk asu ma abageina. Agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na.

Isai 43:13

An ni ma nga avok dedeina; sama prut va abon nga d’i. An mba ni le va. Ni nge ba, mba mi d’elen nge?

Zla d’a d’ogolâ 21:30

Ned’a d’oze wad’ud’a d’oze d’alâ ma kak djangûna ki minda hi Ma didinid’ina nga d’i.

Sawal la giled’a 36:6

Ma didina, o mang nga didinda ti i akulo gak tcha hur alona, d’engzeng manga ti i akulo gak yam d’ugula.

Sawal la giled’a 33:11

Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Wana ni mbaktumba hi Job-pa 34:29

Le mi mba ki halasa ni, ni nge mba mi mba ki huwaka ge? Le mi ngei iramu ni, ni nge mi mba mi wum ge? Le nandjaf suma d’oze sama tuna, mi kazi ir zla mazid’a nabo tat tu

1 Samuel 2:8

Suma hou suma a nga kä aduk gugumina nga mi hlazi yazi akulo, suma kid’ak suma a arazi kä woi yam djimgilîna, nga mi tinizi ata yima hud’a zlapa ki suma kal teglesâ. Andagad’a pet ni d’a hi Ma didinid’a; ni mam ba, mi tinit akulo yam graka.

Efes-sâ 3:11

Alona mi le hina kayam nga hur mam ma avok deina mi ndak memet yam Saleina Jesus Christ.

2 Amuleina 6:17

Bugola, Elise mi tchen Ma didina ala: Ma didina, an nga ni tchenengû, ang malam iram mbei á wed’a. Ma didina mi malam iram mbeyo. Mi wakulumei suma akud’a ki pus ma aku ma dur ayîna teteng akulo yam ahinad’a ngui Elise d’uhl.

Isai 66:15

Gola! Ma didina nga mi djï aduk akud’a, pus mam ma dur ayîna mi djangî d’igi mbirlimba na. Mi mbut ayî mam ma bibiliuna ni vama yo akud’a, mi mbut ngop mamba ni d’igi sin akud’a na mi.

Jeremi 4:13

Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.