Zakari 2:7 - Bible azumeina

⁷ Agi suma Siyon suma nga kaka Babilon-na, agi buzugugi woi sud’ugi tagiya.

Zakari 2:7 Referans Kwoze

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Ad’u Tinda 19:17

Kid’a azi buzuk kei kela, malaikana tu mi de mi Lot ala: Ang ring sut tangû, ang gol irang blogong ngi, ang tchol aduk hur fula d’uo mi. Ang ring yam ahinad’a, kayam ang ba woi d’i.

Mise 4:10

Agi tchagi tata abo ndaka, agi zamagi tagi d’igi atcha d’a ti nde vutid’a na, agi buzugugi woi kur azì ma ngolâ, agi i kagagi sä abageya, agi igi gak Babilon. Ata yi máma Ma didina mba mi prud’ugi woyo, mba mi prud’ugi woi kua abo magi suma djangûna.

Jeremi 51:45

Agi sum mana, agi buzugugi woi kurud’u, ar nge nge pî mi sut tam mbei avok ayî man ma bibiliuna.

Jeremi 50:8

Ma didina mi dala: Agi ringîgi woi avo Babilon, agi buzugugï woi yam ambas sa Babilon-nda, agi kagagi ni d’igi mbekmberena na avok d’uwarâ.

Isai 52:2

Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Ndumba 16:34

Israel-lâ pet suma a nga tchola gevezina, a nde ringâ abo tchi mazina, a dala: Ar andagad’a ti ligi d’uo!

Ndumba 16:26

Mi de mablaud’a ala: Agi walagi tagi woi dei kazina hi suma tcho ndazinina, agi tinigi abogi ata va mazi d’i, tala agi bogi woi zlapa tu ki sed’ezi yam tcho mazid’a d’a d’i.

Isai 47:1

Ma didina mi de kua ala: Ndak gor wei d’a Babilon-nda, ndak tchuk asek kä, ndak i kak kä aduk andaga d’a gugud’upa. Ndak gor wei d’a Kalde-d’a, ndak i kak kä andaga bei zlamba. Sa dok mi yak ala d’a djif fa wile pipid’ika d’uo d’a.