Zakari 2:12 - Bible azumeina

¹² Ambas sa Juda-d’a mba d’i mbut ni vana hi Ma didinina yam ambas sa mam tinit irat vata. Jerusalem mba d’i mbut nazì ma ngol ma mam manama.

Zakari 2:12 Referans Kwoze

Zakari 1:17

Malaikana mi dan kua ala: Ang tchi wal la dinga ala: Ma didin ma ad’engêm kal petna mi dala: Azì man ma nglona mba mi fe djivid’a, an mba ni man Jerusalem man nda dinga, an mba ni ndjun Siyon mi.

Gat ta a hat á mbàd’id’a 32:9

Wani b’raud’a hi Ma didinid’a ni Israel-lâ, andjafâ hi Jakob-ma ni djo mama.

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Sawal la giled’a 33:12

Andjaf suma Ma didina nAlo mazinina a le furîd’a; suma mi manazi d’igi djo mama na na a le furîd’a mi.

Jeremi 51:19

Wani ma ala ni ndjondjoîd’a hi Jakob-pa na, mi nga na d’i. Mam mi Ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Isai 41:9

agi suma an yagï avun dabid’a handagad’ina, an yagi yam andaga d’a deid’a, an dagi ala: Agi nazungeî mana, an managiya, an mba ni aragi woi d’uo d’a!

Sawal la giled’a 135:4

Kayam Ma didina mi man Jakob, mi tin Israel mi ka’î mama.

Sawal la giled’a 82:8

Alo mana, ang tchol akulo, ang ka sariyad’a yam suma yam andagad’ina, kayam angî Sala andjaf suma yam andagad’ina pet.

2 Sunda Hamuleinid’a 6:6

Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

Sawal la giled’a 132:13

Kayam ndata, Ma didina mi man Siyon, hurum minit á kak kuru.

Sawal la giled’a 132:14

Mi dala: Wana ni yi man ma tuk tad’a gak didin, an mba ni kak kua, kayam an hurun minid’u.

Isai 14:1

Ma didina mba mi we hohowa andjafâ hi Jakob-ma, mba mi man suma hi Israel-lâ kua, mba mi hulong tinizi kur andaga mazid’a. Andjaf ma dingâ mba mi zlap ki sed’eziya, mba mi zlap ki suma hi Jakob-ma.

Zakari 3:2

Malaika máma mi de mi Seitan ala: Ar Ma didina mi ngobongû, ar Ma didin ma man Jerusalem-ma mi ngobongû. Sama wana mi ni d’igi vun adjo ma hlumî woi aduk akud’ina na d’uo zu?

Gat ta a hat á mbàd’id’a 32:10

Ma didina mi feï Israel-lâ nabagei hur fulâ, aduk amburei suma tcho suma tchi mazina mbut suma mandarîna. Mi gahlabam kaziya, mi ngomoziya, mi ngomozi ni d’igi iram mba aduka na.

Ester 6:13

Mi väd’u ahle suma a mba kama woi pet mamamba Zeres ki buniyôma. Mam suma a dum d’alîna kamamba Zeres a dum ala: Le Mardose ma ang nde ge yang kä avoroma, le ni ma Juif-fâ ni, ang mba deî atam mbi, wani ni ang ba, mba puk kä avoromu.

Sawal la giled’a 105:15

Mi dazi ala: Agi dogi man suma an manazina d’i, agi lagi man suma djok vuna vama tcho d’uo mi.

Isai 17:14

Tcha fladege mandarâ mi nga, avok ka bei yina fod’a, sa nga d’i. Wana ni wuraka hi suma a nga b’ad’ami ahligiyemina, wana ni b’raud’a hi suma a nga hurumumi ahligiyemina mi.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.