Zakari 14:17 - Bible azumeina

¹⁷ Le andjaf ma nga yam andagad’a ka hina mi i nga Jerusalem á kud’or amul Ma didin ma ad’engêm kal petna d’uo ni, alona mba mi se yam ambas mamba d’i.

Zakari 14:17 Referans Kwoze

Jeremi 14:4

Andagad’a ti wak ngongok, kayam alona nga mi se yam ambasa d’i. Suma zuma a mbut zulona, a tchok yazi kä abo zulona.

Isai 60:12

Andjaf suma d’oze andjaf suma kur leud’a a mba lak sunda d’uo na, a mba tchazi woyo; andjaf máma a mba dabam mbei pepet mi.

Vama ndum mbeina 11:6

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.

Jacques 5:17

Elie ni sana d’igi ei na. Mi tchen Alona ki so tad’a ala alona mi se yam andagad’a d’i; alona mi se nga d’uo bizad’a hindi ki tilâ karagaya.

Gat ta a hat á mbàd’id’a 11:17

Le agi lagi na ni, Ma didina hurum mba mi zal kagiya, mba mi duk ir akulod’a, alona mba mi se kagi d’i, andagad’a mba d’i wul awuna d’i, agi mba dabagi woi atogo zak yam ambas sa djivi d’a Ma didina Alo magina nga mi hagizid’a mi.

Zakari 14:16

Ata yi máma suma ar aduk andjaf suma pet suma a mba á dur suma Jerusalem-mina, a mba mba bizad’a ki bizad’a á grif kä avok amul Ma didin ma ad’engêm kal petna, á le vun til ma Zlub’ud’a mi.

Amos 3:2

Ni agi hol ba, an managi aduk andjaf suma pet. Ni kayam ndata ba, an mba ni mba á ngobogi yam tcho d’a agi lata.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

2 Sunda Hamuleinid’a 6:26

Fata Israel-lâ a tchila wa yam zla manga, le ang nga salona kazi d’uo, le azi mbut irazi yam yima wana, a tchenengû, a gilengû, a ge yazi kä ad’ungû, a ar tcho mazid’a woi yam ngop pa ang ngobozid’a ni,

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

Ad’u Tinda 28:14

Andjavang mba mi zul d’igi andaga d’a gugud’upa na, mba mi b’rau woi kakä abo ma fladegena, abo ma yorogona, abo ma norâ kabo ma sutna. Ni kayam ang kandjavang ba, an mba ni b’e vunan yam suma yam andagad’ina pet.

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Ad’u Tinda 10:32

Wana nadesâ hi Noe gromina, ad’u andjavaziya, ad’u adezeziya; nata azi ba, suma a b’rau woi yam andagad’a teteng bugol kusa hi mbinid’a.

Jeremi 10:25

Ar ang zal hurung yam andjaf suma dingâ, yam andjaf suma a nga yang á ndjunuzi d’uo na, kayam azi b’lak suma hi Jakob-ma woi kakazeî, a dabazi ahligiyezi woi kakaf, a b’lagazi yazi ma kaka woi mi.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

2 Sunda Hamuleinid’a 7:13

Le an duk wa ir akulod’a, alona nga se d’uo, d’oze le an he vuna mi djera á b’lak ahle suma yam ambasina, d’oze le an sunï wa tugud’ei d’a tcho d’a tchi matna yam sum mana,

1 Amuleina 8:35

Fata Israel-lâ a tchila wa yam zla manga, le ang nga salona kazi d’uo, le azi mbut irazi yam yima wana, a tchenengû, a gilengû, a ge yazi kä ad’ungû, a ar tcho mazid’a woi yam ngop pa ang ngobozid’a ni,

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

Jeremi 14:3

Suma nglona a nga sun azungeî mazina á gul mbina. Azi i kur golongeîna, a nga fe mbina d’i, a nga hulong kagolongeî mazina huruzi hawa, a mbut zulona, a mang ngeyo, a tchok yazi kä abo zulona.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.