Zakari 14:11 - Bible azumeina

¹¹ Suma a mba kak kuru, a mba b’lagat bugol luo d’a, mba d’i kak ki halasa.

Zakari 14:11 Referans Kwoze

Vama ndum mbeina 22:3

A mba fe vama Alona mi gum vunina kua d’i. Zlam mba amula hAlona d’a hi Gor timinid’a ti mba d’i kak kua, azungeîna hAlonina a mba kud’uromu.

Amos 9:15

An mba ni hulong pe sum mana yam andaga mazid’a. Sa mba mi pad’azi woi yam andaga d’a an hazizid’a d’uo d’a. Wana ni zla d’a an Ma didina Alo magina ni data.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Zakari 8:8

An mba ni hulongôziya, a mba kak kur Jerusalem, a mba mbut sum mana, an mba ni arî Alo mazina, an mba ni te kazi ki d’engzenga ki gagazid’a mi.

Zakari 8:4

An nga ni dala: Momorogei suma andjofâ ki suma arop suma a nga tit ki dungûruna abo djeng mazid’ina, a mba kak kä ir palum mba Jerusalem-mba.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Joel 3:20

Wani suma a mba kak kur ambas sa Juda-d’a gak didin, a mba kak kur Jerusalem atchogoid’a katchogoid’a mi.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

Jeremi 31:40

Hor ra a tchuk matna kuad’a pet ki yima butna ki yima hawa ma i gak avun toliyon nda Kedron-nda gak mi ndeza ata yima gulumuna kong kua ma avun Agre’â hAkulumeina ma abo ma yorogonina pet, a mba tinim iram vam mi an Ma didina. Bugola, vama mba pad’am mbei d’oze mba mi hôm mbeina nga d’uo gak didin.

Isai 66:22

Ma didina mi dala: D’igi akulo d’a awilid’a kandaga d’a awilid’a a mba kak avoron tatâ na, andjavagi ki simiyêgi mba mi ka’î hina tatâ mi.

Isai 60:18

A mba hum zla murud’umba kur ambas maka d’i, a mba hum zla hurumba d’oze b’laka ir haga maka d’uo mi. Ndak mba d’i yi gulumun ma’â ala Suta, ndak mba d’i yi vun agrek ma’â ala Ma gile Alona.

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Ndumba 21:3

Ma didina mi humuziya, mi hazi suma Kanan-na aboziya. Azi b’lagazi woi kazì ma nglona mi, a yi yi máma ala Horma.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Zakari 8:13

Agi suma kur leu d’a Juda-d’ina ki suma kur leu d’a Israel-lina, adjeu agi mbud’ugi ni d’igi suma a gazi vunina na aduk andjaf suma, wani ki tchetchemba, an nga ni sud’ugiya, agi mba mbud’ugi ni suma a b’e vuna kazina. Agi vagi tagi ad’enga, ar agi lagi mandar ri!

Gat ta a hat á mbàd’id’a 33:28

Israel-lâ a kak ki halasa, andjafâ hi Jakob-ma mi nga ni kaka woi vam yam ambas sa nga d’i wul awuna ki guguzlud’a heîd’a, akulod’a nga d’i ge mbad’ïd’a kazi mi.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.