Zakari 12:1 - Bible azumeina

¹ Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Zakari 12:1 Referans Kwoze

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Jeremi 51:15

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ki wäd’u mamba mi.

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Hebre-na 12:9

Ei djib’erei yam abuyoi suma kur duniyad’a ka hina: Azi nga gad’eya, ei nga gei yei kä avorozi mi. Ei ndak á gei yei kä avok Abui ma sä kur akulod’ina á kagei karid’a kal luo zu?

Isai 48:13

Ni kabon ba, an gäd’u andagad’a, an b’eng akulod’a woi kabon ma ndjufâ. An yaziya; a tok tu, a mbeï avoronu.

Isai 44:24

Agi Israel-lâ, Ma didin ma wurak kagi ma lagï kur asuyogi deina, mi dala: An ni Sala ahlena pet. Ni an tu ba, ni b’eng akulod’a woyo, ni bine andagad’a woi bei sa mi ndjunun ba mi.

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Ezekiyel 18:4

Gola! Arid’a hi suma pet ni hur abonu. Arid’a habud’id’a ki d’a hi gorîd’a dja’î hur abonu. Ma nga mi le tchod’ina ni ma mba mi mitna.

Jeremi 38:16

Amulâ Sedekiyas mi gun tam avok Jeremi gumun ala: An gun tan ki Ma didin ma bei matna ma hei arid’ina, an mba ni tchang ngi, an mba ni hang abo suma a nga halang á tchid’ina d’uo mi.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Wana ni mbaktumba hi Job-pa 26:7

Mi bar abo ma norâ yam yima kikid’i’â, mi gang andagad’a akulo yam yima va nga kua d’uo na mi.

Jeremi 10:12

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ni ki wäd’u mamba mi.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 45:12

Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Isai 40:22

Ma didina mi ni kaka akulo yam nguid’a handagad’id’a. Suma a nga kaka kurutna a ni gugureid’a d’igi djera na avoromu, mi b’eng akulod’a woi d’igi baru d’a afefeta na, mi b’engêt tei d’igi zlub’u mamba na á minit yi mam ma kaka.

Isai 40:12

Ni nge ba, mi nga mbiyo ma ngolâ hur abom ge? Ni nge ba, mi hle ngola hakulod’a akulo hur abom ge? D’oze ni nge ba, mi nga andaga d’a gugud’upa kur vama nga ahlena d’oze mi hlahina d’a nglod’a kahina d’a gureid’a ki kilona mi ge?

Sawal la giled’a 104:2

angî ma tchuk b’od’a atang d’igi sana mi tchuk baruna atam na na, ang gang akulod’a d’igi sana mi gang azid’a akulo na mi.

Malatchi 1:1

Ni zla d’a Ma didina mi dat mi Malatchi á dat mi Israel-lîd’a.

Zakari 9:1

Wana ni zla d’a Ma didina mi ngop ki suma kur ambas sa Hadrak-kina, ti mba yam suma Damas-sâ mi. Kayam Ma didina iram nga tinda yam suma pet d’igi iram nga tinda yam Israel-lâ pet na mi.

Joel 3:21

An mba ni hlatchugula buzuwazi ma an hlum nga atchugulum mbuo tua na. An Ma didina mba ni kak kur Siyon.

Joel 3:19

Ezipte mba d’i mbut djona, Edom mba d’i mbut ni hur fulâ, kayam murud’um mba azi lat mi suma Juda-na á tchi suma bei zlad’a kazina yam andaga mazid’a adjeud’a.

Hor ma tchina 2:14

Mak suma djok vuna, ahle suma a nde tazi woi irazina nahle suma ka zlad’a, nahle suma hawa ya’â. A nga vak ad’u tcho maka woi d’i. Ladjï a le na ni, a d’elek wa bei i magomba. Ahle suma a nde tazi irazi suma azi nga vaksi ad’uzina ni zla d’a hawa yak ka ka zlad’a.

Jeremi 50:34

An ma tchuguzi akulona ni ma sib’ika. Simiyên ala Ma didin ma ad’engên kal petna. An mba ni ndjun kaziya, ambasa ti kak ki halasa, an mba ni mbut suma a nga kaka Babilon-na mandarâ mi.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Wana ni mbaktumba hi Job-pa 37:18

Ang ndak á gang akulod’a ad’enga d’igi kotrom ma a yorom ki kawei ma hleunina d’igi mam na zu?

Ad’u Tinda 1:8

Alona mi yi hur alona ala Akulod’a. Fladeged’a nga, yorogod’a nga mi; ni bur ma mbàna.

Sawal la giled’a 134:3

Ar Ma didin ma lakulod’a kandagad’ina, mi b’e vunam kagi ei kur Siyon!