Zakari 10:3 - Bible azumeina

³ An hurun nga mi zal yam suma pol suma ding suma a nga yi tazi ala azi ni suma pol sum mana na. An mba ni mba á ngoboziya. Gagazi, an Ma didin ma ad’engên kal petna nga ni dala: An mba ni ngom d’uwar man suma Juda-na, an mba ni i ki sed’ezi ata yima durâ d’igi akulum ma subura na.

Zakari 10:3 Referans Kwoze

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Zakari 11:17

Ni zla d’a hohoud’a yam ma pol ma ka zla ma nga mi ar tumiyôna woina. Ar mbigeu d’a fiyaka ti kam bigam mbeyo, ti tchom iram mba ndjufa woi mi, ar bigam mbi tche mogod’a, ar iram mba ndjufa ti duk kei mi.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Jeremi 25:34

Agi suma pola, agi tchagi wulula, agi suma avok tumiyônina, agi bululugi kä aduk butna. Kayam bur ma a ngad’agi kuana, d’oze bur ma a ndjoyôgi woi kuana mi mba wa, kayam an mba ni togi woyo, agi mba galalagi woi d’igi dei ma guzum kal teglesâ na.

Zla d’a d’ogolâ 21:31

A nga ngom akulumeina ni yam bur ma dur ayîna, wani kusa tcholî ata Ma didina.

1 Pierre 2:12

Ar agi tid’igi d’ingêr aduk suma bei wAlona. Le azi nga tchugugi zlad’a kagi d’igi agi ni suma tchona na pî, azi mba we sun magi d’a djivid’a. Hina wani, azi mba subur Alona kur bur ma mam mba mi mba kuana.

Wana ni Zla d’a Djivi d’a Luc mi b’irita 1:68

Ar ei gileigi Ma didina Alona hi Israel-lîna, kayam mi djib’er yam sum mama á wurak kaziya.

Wana ni mbaktum mba a b’irit yam Rut-ta 1:6

Naomi ti hum sä Mowap ala: Ma didina mi we wa hohowa sum mama, mi hazi wa tena ngola mi. Ata yi máma ti min tat á hulong yam ambas mata kakuniyôtna.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Sofoni 1:8

Ma didina mi dala: Kur bur ma ngat buzu máma an mba ni ngop suma nglo suma avok sumina kamulâ groma ki suma pet suma a nga tit bugol alona hi suma dingîna.

Jeremi 50:6

Adjeu sum mana a ni d’igi ades tumiyô suma a vit teina na. Mazi suma pola a vid’izi woyo, a arazi akulo yam ahuniyôna, a nga tcha tata akulo yam ahuniyô suma nglona, akulo yam yima ndingâ mi, a mar rei yam kangâ mazina.

Jeremi 25:12

Ma didina mi de kua ala: Wani fata biza d’a dok kid’iziyad’a ndaka, an mba ni mba ni ngop amul ma Babilon-na ki sum mama yam tcho mazid’a, an mba ni b’lak ambas mazi d’a Babilon-nda woyo, an mba ni mbud’ut djona gak didin.

Jeremi 11:22

Ni kayam ndata ba, Ma didin ma ad’engêm kal petna mi dala: Gola! An nga ni mba á ngoboziya. Azungeî mazina a mba bo avun ayîna, grozi suma andjofâ ki grozi suma aropma, baktarad’a mba d’i tchazi mi.

Jeremi 10:21

Jeremi mi dala: Kayam suma pola yazi d’i vit teyo, a hal nga Ma didina d’i. Kayam ndata, a kid’ak keyo, suma azi polozina pet a ndjoî woi mi.

Isai 24:21

Kur bur máma Ma didina mba mi ngop ahle suma sä akulona, mba mi ngop amulei suma yam andagad’a ka hina mi.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Sawal la kal teglesa 1:9

Mi dala: Ndak ka an le kak heîd’a, an golo’î d’igi akulum mba tan pusâ hi Faron-nda na.

Ezekiyel 34:12

An mba ni tin iran yam tumiyô mana d’igi ma pola nga mi gol tumiyô mama ata yima mi nga adigazi ata yima a b’rau woi yaya’â na. An mba ni yozï woi ata yima azi b’rau woi kua teteng kur bur ma babarâ mi pat mi mbut yina nduvundina.

Daniel 11:32

Mam mba mi lop suma a nga d’engzeng yam vun ma djin ma Alona mi djinim ki sed’ezina d’uo na ki vunam ma mbulâ. Wani suma d’engzeng yam Alo mazinina pet, a mba tchol ad’enga ngingring yam zla mazid’a.

Wana ni mbaktumba hi Job-pa 39:25

Mi gol mandarâ ni va d’i, nga mi le mandar ri, nga mi didak kazigam abo mbigeu d’a fiyaka d’uo mi.

Ezekiyel 34:11

Ma didina mi dala: Gola! Ni an tanda ba, mba ni pol tumiyô mana, an mba ni tin iran kaziya.