Zakari 10:1 - Bible azumeina

¹ Agi tchenegi Ma didina kayam mi sagi alo ma hod’ogoid’a ata yamu. Mam ma nga mi mba ki babarîna, mba mi sagi alona ngola, mba mi d’uf asuna asine hi nge nge pî adigagiya.

Zakari 10:1 Referans Kwoze

Isai 44:3

Kayam an mba ni vo mbina yam andaga d’a sod’a, an mba ni ge toliyonda yam andaga d’a sod’a, an mba ni vo Muzuk mana yam grogina, an mba ni b’e vunan yam andjavagi mi.

Jacques 5:7

B’oziyona, agi vagi tagi gak mbad’a hi Salad’id’a. Gola! Ni nana ba, sama zuma nga mi djup gak bur ma fet awu ma djivi ma kalâ ki ve tad’a, nga mi djup gak alo ma hod’ogeid’a ki ma dabid’a ge.

Ezekiyel 36:37

Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi.

Isai 30:23

Ma didina mba mi sagi alona yam awu ma agi mba zaram kä na. Awu ma andagad’a mba d’i wulugizina mba mi mbut ni te ma djivi ma d’or sumina. Kur bur máma agi pologi d’uwar magina ata yima te hat ma vivid’i’â mi.

Sawal la giled’a 65:9

Suma nga kaka avun dabid’a handagad’ina, a nga le mandarâ abo ahle mang suma yoyou suma ang nga lazina; ni ang ba, nga oî suma abo ma yorogona ki suma abo ma fladegena ki furîd’a mi.

Gat ta a hat á mbàd’id’a 28:23

Akulod’a mba d’i mbut ad’enga kagi ni d’igi kawei ma hleuna na, andagad’a mba d’i mbut ad’enga asegi kä ni d’igi kaweina na mi.

Jean 16:23

Kur bur máma agi mba djobon yam va d’i. Gagazi, an nga ni dagiya, agi le tchenegi Abun ni me pî ki simiyênu ni, mba mi hagiziya.

Mise 5:7

Andjafâ hi Jakob ma arâ mba mi kak aduk andjaf ma ablauna d’igi azlona aduk amburei suma aduk agud’ina na, d’igi azlo ma azongâ aduk kangâna haho’îna na. Ata yima mi kalâ, mi ve, mi kizak keyo, sama mi prut va woi aboma nga d’i.

Amos 4:7

An d’elegi alo ma sed’a gak tilâ hindi tua ba, til ma duta ndaga. An se alona yam azì ma ngol ma dingâ, ni ar azì ma ngol ma dingâ hawa. An salona yam asine ma dingâ, ni ar bei salona yam asine ma dingâ mi so woyo.

Wana ni mbaktumba hi Oze-d’a 10:12

Agi zaragi d’engzenga, agi mba dud’ugi djivid’a, agi zumugi asine ma awilina mi. Yina mba wa tala agi hulongôgï gen an Ma didina gak an vogi suta kagi d’igi mbina na d’a.

Ezekiyel 34:26

An mba ni mbud’uzi azi tazid’a ki yima ngui yi man ma nding ma an tinim iram vama ni yima b’e vuna, an mba ni salona ata yamu, mba mi mbut nalo ma b’e vuna.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.

Isai 5:6

An mba ni arat ti b’lak keyo, sa mba mi tchawat abot tei d’i, sa mba mi lat barat tuo mi. Kekerezeuna kaweid’a a mba deî adigad’u. An mba ni he vuna mi d’ugula ar ti salona kat ti.

Zla d’a d’ogolâ 16:15

Ata yima amulâ nga mi san ki furîd’ina narid’a, djivi mamba ni d’igi alo ma hod’ogeid’a na.

Sawal la giled’a 104:13

Ata yang ma kak ma sä akulona, ang nga se alona yam ahuniyôna; ahlena oî andagad’a ni yam sun nda ang lata.

Jeremi 51:16

Ata yima mi he vunina, mbina mi tok kur akulod’a. D’ugula ti tcholï avun dabid’a handagad’id’a teteng. Wiled’a nga d’i wile á salona, simetna mi buzugï woi ata yam ma ngei ahlena mi.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Korente-na 3:6

An ni ma ped’a, Apolos ni ma vo mbina kama, wani Alona ni ma wuluma.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Sawal la giled’a 72:6

Ar amulâ mi mbut ni d’igi alo ma mi se yam asu ma a tchawam mbeina na, mi mbut ni d’igi mbiyo alo ma mi d’idje andagad’ina na mi.

Wana ni mbaktumba hi Job-pa 29:23

A djubun d’igi suma a djup alo ma sed’a na, a tin huruzi yam zla manda d’igi suma a tin huruzi yam alo ma hod’ogeid’a na mi.

Sawal la giled’a 135:7

Nga mi ka d’ugula akulo avun dabid’a handagad’id’a, nga mi wile á se alona, nga mi buzugï simetna woi ata yi mam ma ngei ahlena.

Jeremi 5:24

A nga de kuruzi hina ala: Ar ei lei mandara Alo mei ma nga mi sei alo ma avo’â ki ma danana ata yama ma nga mi ngomei bur ma mi ngam á dutina d’i.