Zakari 1:2 - Bible azumeina

^2-3 Ang he vuna mi Israel-lâ ala: An Ma didin ma ad’engên kal petna hurun mi zal ngola yam abuyogi ngolo. Wani an hlagi vunan ala: Le agi hulongôgi geven an Ma didina ni, an mba ni hulongî gevegi mi.

Zakari 1:2 Referans Kwoze

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Ezekiyel 22:31

Kayam ndata, an mba ni zal hurun kaziya, an mba ni dabazi woi kayî man ma aku ma bibiliuna, an mba ni hulongôzi sun mazid’a kaziya. Ni an Salad’a Ma didina ba, ni de na.

Hor ma tchina 5:7

Abuyomi a le tchod’a, wani azi nga d’i. Ni ami ba, nga zimi aneka hi tcho mazid’id’a.

Sunda hi suma a sunuzinid’a 7:52

Ni ma djok vun Alona ma lara ba, abuyogi ngolo a djobom vunam mbuo ge? A tchi suma a tchi wal zla mbad’a hi Ma d’ingêrîna woyo. Ki tchetchemba, agi hum abo suma á tchum mi.

Sawal la giled’a 60:1

Ni sawal la gile d’a David mi hlat mi hat mi ma ngolâ hi suma hle sawala á hat ki sumid’a.

Esdras 9:13

Ang Alo mamina, ndak ndata ti mba kami hina pet ni yam sun nda tcho d’a ami lata ki tchila mami d’a ngol la kal teglesa. Hina pet pî, ang ngobomi nga ngad’a yam tcho mami ndata d’i, wani ang ar suma a arâ adigami ami suma kä wana tcha.

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Amuleina 22:19

Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na.

Ezekiyel 8:18

An mi, an mba ni lazi ki hur man ma zala na mi, an mba ni wazi hohowozi d’i, an mba ni djib’er kazi d’uo mi. Fata azi mba tchi ki delezi d’a ngola akulo humanda, an mba ni humuzi d’uo mi.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Jeremi 32:23

Azi mba, a hlad’u, wani a humung nga vunang ngi, a tit nga yam gat manga d’i, a le nga ahle suma ang hazi vuna kazi á led’ina d’uo mi. Ni kayam ndata ba, ang mba ki ndak ka wanda kazi wana.

Zakari 7:12

Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

Zakari 8:14

Ma didin ma ad’engêm kal petna mi dala: Kid’a an nga hurun á lagi ndaka ata yima abuyogi ngolo a zalan huruna, an hulong nga bugol yam vama an nga hurun kama d’i.