Zakari 1:15 - Bible azumeina

¹⁵ Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Zakari 1:15 Referans Kwoze

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

Isai 54:8

Ma didin ma mi wurak ka’â mi dala: Kur hur ma zala, an ngei tan ndei irak ndjö. Wani yam o man nda bei dabid’a an mba ni wak hohowogu.

Zakari 1:11

Malaika suma djang akulumei ndazina a de mi malaikana hi Ma didina ma nga tchola aduk agu mirtenina ala: Ami nguyumi yam andagad’a ki zla tat pet, wani suma yam andagad’ina a nga kaka ki halasa bei va mi lazi ba.

Zakari 1:2

Ang he vuna mi Israel-lâ ala: An Ma didin ma ad’engên kal petna hurun mi zal ngola yam abuyogi ngolo. Wani an hlagi vunan ala: Le agi hulongôgi geven an Ma didina ni, an mba ni hulongî gevegi mi.

Sawal la giled’a 69:26

Ar yi mazi ma kaka mi mbut djona, ar sa mi kak kur aziyazi d’uo mi.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Sawal la giled’a 137:7

Ma didina, ang djib’er yam suma Edom suma kur bur ma a b’lak Jerusalem-ma a dala: Tot kä woyo! Tot kä woi gak ad’ut ta ged’a na.

Sawal la giled’a 123:4

Ami ndagamiya wa abo sanda hi suma a nga las sumid’a, abo gol la suma yam mba ad’enga a nga golomi isa mi.

Zakari 6:8

Malaikana mi yanu, mi dan ala: Suma a i irazi abo ma yam ambas sa abo ma norîd’a, a i tin nayî mana yam suma kur ambas sa abo ma norîd’a.

Wana ni mbaktumba hi Job-pa 30:13

Suma a b’lagan lovot mandina a nga hal lovota á ban ndeyo, wani sama ndjunuzi nga d’i.

Jeremi 30:16

Kayam ndata, suma a nga tagi d’igi suma a te hliuna na na, a mba tazi mi; magi suma djangûna pepet, a mba izi magomba; suma a nga b’ad’agi ahligiyegina, a mba b’ad’azi mazina mi; suma a nga hurumugi ahligiyegina, a mba hurumuzi ahligiyezi na mi.

Jeremi 50:33

Ma didin ma ad’engêm kal petna mi dala: Israel-lâ ki suma Juda-na, a djobozi vunazi nabo tazi tu. Suma a yozi magombina a vazi kä ndinding, a min tchuguzi akulo d’i.

Habakuk 3:12

Ang nga ngui yam andagad’a kayî mang ma djulula, ang nga miret andjaf suma kä kayî mangâ.

Zakari 14:12

Wana ni tugud’ei d’a Ma didina mba mi tum kandjaf suma pet suma a mba mba ki azigar mazina á dur Jerusalem-mba: Nge nge pî hliwim mba mi ndjulup pei akulo kasemu, iram mba d’i ndjulup kur aziyad’u, sinam mba d’i ndjulup avunam mi.