Zakari 1:10 - Bible azumeina

¹⁰ Sama nga tchola aduk agu mirtenina mi dan ala: Azi nakulumei suma Ma didina mi sunuzï á ngui tita yam andagad’ina.

Zakari 1:10 Referans Kwoze

Zakari 1:11

Malaika suma djang akulumei ndazina a de mi malaikana hi Ma didina ma nga tchola aduk agu mirtenina ala: Ami nguyumi yam andagad’a ki zla tat pet, wani suma yam andagad’ina a nga kaka ki halasa bei va mi lazi ba.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Wana ni mbaktumba hi Job-pa 1:7

Ma didina mi de mi Seitan ala: Ang tcholï ni lara ge? Seitan mi hulong de mi Ma didina ala: An nguyï ni tita yam andagad’a á vat tan ndeyo.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Zakari 5:7

Ata yi máma a mal vun vama nga ahle ma a lum ki lombina woyo. Atchad’a ti nga kaka kur vama nga ahlena.