Vama ndum mbeina 9:8 - Bible azumeina

⁸ Tumus sa kazid’a ni d’igi tumus sa yam aropmid’a na, siyazi mi ni d’igi si azlona na.

Vama ndum mbeina 9:8 Referans Kwoze

Joel 1:6

Ades ahle suma b’lak ahlena a mba wa kur ambas manda. A ni suma ad’engâ, ablawazi ndak á ndumba d’i. Siyazi ni d’igi sï azlona na, agingâzi ni d’igi aging azlo d’a modod’a na mi.

1 Pierre 3:3

Ar agi halagi djif ma woi abu pid’a’â á ge yamba ki hed’eu ma ngal wiwili’â d’oze baru ma djif ma kalâ d’i.

1 Timote 2:9

Hina mi, an min ala aropma a tchu’î baru ma bei kidjik tad’a, a tit ni tit ta kukud’uk, a ge yazi kä, a ge yam mba aboina d’i, a tchuk lora atazi d’i, d’oze yeyêna, d’oze baru ma guzum kal teglesâ d’uo mi,

Isai 3:24

Azi mba ar zla d’a le ni mbul ma his ma afufuîna ta, a le ni mbul ma bud’a; azi mba ar zla d’a djin d’i’â furîd’a ta, a djin ni ziyona; yazi mba d’i ar zla d’a ti se djifîd’a ta, ti mba d’i yot ni woyo; azi mba ar zla d’a tchu’î baru d’a ngol la djifîd’a ta, a mba tchu’î baru d’a dodora ataziya; azi mba ar zla d’a a mbut tazi djifîd’a ta, a mba mbut ni tazi hohoud’a.

Sawal la giled’a 57:4

Ei ata yi mang ma akulona, ang sud’unu. Ar sama nga mi digin ad’una mi mbut zulona, ang tagan o mang nga didinda ki gagazi manga mi. Tchol ndjö

2 Amuleina 9:30

Jezabel ti hum ahle suma a lena pet. Ata yi máma ti le mbul ma djivina irad’u, ti min tat djifa. Kid’a Jehu mi mba avo Jisreyel-la, ndat nga d’i hiled’emî ir fenetred’a.

Romê-na 9:29

D’igi Isai mi de adjeu na ala: Ladjï Ma didin ma ad’engêm kal petna mi arei andjavei hina nde d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.