Vama ndum mbeina 7:16 - Bible azumeina

¹⁶ Meid’a d’oze vun ma sod’a mba mi lazi d’i, afata d’oze zumal la huwaka mba d’i lazi d’uo mi.

Vama ndum mbeina 7:16 Referans Kwoze

Isai 49:10

Meid’a mba d’i tchazi d’i, vunazi mba mi so d’i. Yima aku ma huwa’â kafata a mba lazi ndaka d’i, kayam an ma wazi hohowozina mba ni ndjunuziya, mba ni tinizi ata mbiyo ma laud’a mi.

Jean 4:14

Sama lara pî ma tche mbiyo ma an humzina, vunam dok so d’uo d’a, wani mbiyo ma an humzina mba mi mbut ir mbiyo ma laud’a kurum á hum ari d’a didinda.

Vama ndum mbeina 21:4

Mba mi sed’ezi simina irazi woi pet. Matna mba tchazi d’i, azi mba yor tazi d’oze a tchi tchi ma hohoud’a d’i, ta d’a ted’a nga d’uo mi, kayam ahle suma adjeuna pet a kal wa woyo.

Matiye 5:6

Suma a nga djib’er á le minda hAlonid’a memetna a le furîd’a, kayam Alona mba mi hoboziya.

Sawal la giled’a 121:6

Afata mba d’i ngalang falei d’i, tilâ mba mi lang va andjege d’uo mi.

Wana ni Zla d’a Djivi d’a Luc mi b’irita 6:21

Agi suma meid’a nga d’i tchagi ka tchetchema, agi lagi furîd’a kayam Alona mba mi hagi tena ngola. Agi suma nga tchigi ka tchetchema, agi lagi furîd’a kayam agi mba sanagiya.

Wana ni Zla d’a Djivi d’a Luc mi b’irita 1:53

Mi hop suma meid’a tchazina kahle suma djivina, mi dik suma ndjondjoîna woi kabozi hawa.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Isai 25:4

Kayam angî yima ngeid’a hi suma amangeînina, angî yima ngeid’a hi suma hohou suma a nga kur ndakina, angî anguzu ma mi d’el alo ma mi se ki babarîna, angî anguzu ma mi d’el huwakina mi. Kayam zla d’a nga d’i ndavun suma a nga te yam suma kad’engina, ti ni d’igi alo ma mi se ki babarâ mi wat huyok gulumunina na.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Matiye 13:6

Wani kid’a afata ti deîd’a, ti lugud’omu, mi so woyo, kayam sideyem mi i nga kä ngol li.

Sawal la kal teglesa 1:6

Ar agi golon tä ala an ni wurad’a d’i, kayam afata ti rumuyun ni ndad’u. B’oziyon suma asuyona, huruzi zal kanu, a tinin á ndjol guguzlud’a, wani an ndjol nga guguzlu manda tata d’i.

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Jacques 1:11

Kayam afata ti deyâ, ayât mi nde kä, asuna mi so woyo, b’o mamba ti yak keyo, djif mama mi dap pei mi. Sama ndjondjoîna mba mi wal lei kahle mama ni hina mi.

Marik 4:17

Wani sideyem i nga kä ngol li, mi ve tam ndjö. Ata yima ndaka d’oze djop vuna mi nga mi le suma yam zlad’a hAlonid’ina, atogo hina zak, a ar zlad’a hAlonid’a woyo.

Marik 4:6

Wani kid’a afata ti deîd’a, ti lugud’omu, mi so woyo, kayam sideyem mi i nga kä ngol li.

Matiye 13:21

Wani sideyem mi i nga kä ngol li, mi ve tam ndjö. Wani ata yima ndaka d’oze djop vuna nga mi le suma yam zlad’a hAlonid’ina, atogo hina zak, mi ar zlad’a hAlonid’a woyo.

Jonas 4:8

Kid’a afata deîd’a, Alona mi mba ki simet ma hluruk d’igi d’üguna na na. Afata ti nde yam Jonas, mi seyâ, mi tchen Alona ala mi tchumu. Mi dala: An mit pî ni hotei, kal la an kak ki iranda!

Isai 32:2

Nge nge pî adigazi mba mi mbut ni d’igi anguzu ma mi d’el simetnina na, d’oze yima ngei ma mi d’el babar ma ngolîna na, d’oze d’igi mbiyo ma mi djang yam andaga d’a so d’a gangrasina na, d’oze d’igi anguzu ahina d’a ngol la yam andaga d’a sod’id’a na mi.

Sawal la giled’a 143:6

An yo abon akulo avorong á tchenengû, an nga ni hat hurun kang d’igi andaga d’a sod’a nga d’i hat hurut yam mbina na. Tchol ndjö

Sawal la giled’a 63:1

Ni sawal la gile d’a David mi hlat kid’a mi ring ngei tam abo Saul hur ful ma Juda-nid’a.

Sawal la giled’a 121:5

Ma didina ni ma ngomongâ; mi nga tchola ata bigang nga ndjufa d’igi angus ma kangâ na.