Vama ndum mbeina 6:4 - Bible azumeina

⁴ Ata yi máma, akulum ma hleuna mi nde woyo. Ma mi nga kama mi nga kad’enga á wet ayîna woi yam andagad’a, kayam suma a tchi taziya. A hum mbigeu d’a fiyak ka ngola abom mi.

Vama ndum mbeina 6:4 Referans Kwoze

Zakari 6:2

Pus ma avo’â akulumei mama a ni hleud’a, pus ma mbàna akulumei mama a ni wurogeid’a,

Matiye 10:34

Jesus mi had’azi kua ala: Ar agi djib’eregi ala an mba ni ki b’leng nga halasa yam andagad’a d’i. Wani an mba ni ki b’leng nga halasa d’i, wani an mba ni kayî ma durâ.

Vama ndum mbeina 13:10

Wani sama a ngam yam dangeinina, mba mi i kur dangeina; sama a ngam á tchid’a ki mbigeu d’a fiyakina, a mba tchum ki mi. Wana ni ve tad’a hi suma hAlona suma a he gagazid’ina.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Vama ndum mbeina 17:3

Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 12:3

Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Jean 19:11

Jesus mi hulong dum ala: Ladjï Alona mi hangzi ni mam mbuo ni, ang nga kad’enga kan ndi. Kayam ndata, sama han abongâ, mi kalang ki tchod’a.

Daniel 5:19

Kayam ngol la Alona mi humzid’a, suma a nga kaka kur ambasina pet, andjaf suma pet ki suma ad’u vun ma ded’a tetengâ pet a zlaga, a le mandarâ avorom mi. Mi tchi suma mi min tchazina, mi ar suma mi min tchazi d’uo na karid’a mi. Mi he ngola mi sama mam min hum ngolina, mi hulong sama mam min hulongôm yam kä na kä ad’um mi.

Sawal la giled’a 17:13

Ma didina, ang tchol akulo, ang ngavaziya, ang zud’uzi kä, ang prud’un ndei abo suma asa’atna ki mbigeu mang nga fiyaka.

Matiye 24:6

Agi mba humugi siwela hayî ma durâ, agi mba humugi zla ayîna mi. Wani agi gologi tagi djiviya, ar vunadigagi d’i pat ti, kayam ahle ndazina mbeî a mba le, wani nad’u dabid’a hi duniyad’id’a d’i.