Vama ndum mbeina 5:6 - Bible azumeina

⁶ An we Gor timi ma hle tamî d’igi ma tchuma na na mi nga tchola aduk zlam mba amula kahle suma ari suma fid’ina ki suma nglona. Mi nga kadifa kid’iziya ki ira kid’iziya mi, azi ni muzuk ma kid’iziya ma hAlona ma mi sunum mbei yam andagad’a petna.

Vama ndum mbeina 5:6 Referans Kwoze

Vama ndum mbeina 5:12

A hle sawala ki delezi akulo ala: Gor timi ma a tchum adjeuna, mi ndak á ve sib’ika ki ndjondjoîd’a ki ned’a kad’enga ki hud’a ki subura ki giled’a mi.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Jean 1:36

Mi we Jesus nga mi kala, mi dazi ala: Agi gologi Gor timina hAlonina.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Sunda hi suma a sunuzinid’a 8:32

Zla d’a mam nga mi ndumut ta kur mbaktumbid’a ba wana: Mi hle tamî d’igi timi ma a im ata yima ngatina na, d’igi gor timi ma nga tchola mudjuk avok ma tchawama na, bei mi mal vunam ba.

Vama ndum mbeina 22:3

A mba fe vama Alona mi gum vunina kua d’i. Zlam mba amula hAlona d’a hi Gor timinid’a ti mba d’i kak kua, azungeîna hAlonina a mba kud’uromu.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 6:16

A nga de mahuniyô suma nglona ki suma gureina ala: Agi tchugugi tagi kami ngeyemi woi avok mam Ma nga kaka yam zlam mba amulina, avok ayîna hi Gor timinina mi.

Wana ni Zla d’a Djivi d’a Luc mi b’irita 1:69

Mi tcholei Ma Sut ma ad’engâ adigei ad’u andjafâ hazong mama David-na

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.

Habakuk 3:4

Wile mamba ni d’igi b’od’a hafatid’a na, wile ndata ti tcholï nabomu. Nata yi máma ba, ad’eng mamba nga ngeid’a kua.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Daniel 8:3

An hle iran akulo, an we gamlâna nga tchola avun aluma. Adivim mbà, adif máma mi fuyogeid’a heî, wani ma deî bugolâ mi kal ndrama ki fiyaka.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 5:11

An gola! An hum dela hi malaika suma ablau suma bubup dogo suma a ndak á ndumba d’uo na. Azi ngui zlam mba amula kä kahle suma ari suma fid’i ndazina ki suma nglona mi.

Vama ndum mbeina 5:13

An hum ahle suma led’a suma akulona pet kahle suma yam andagad’a kahle suma kä ad’u andagad’a kahle suma kur alum ma ngolâ kahle suma led’a suma kä aduk mbinina pet, a nga hle sawala ala: Giled’a ki hud’a ki subura kad’enga a nga mi mam ma nga kak kä yam zlam mba amulina ki Gor timina gak didin.

Vama ndum mbeina 5:14

Ahle suma ari suma fid’ina a dala: Amin! Suma nglona a grif kä, a kud’urom mi.

Vama ndum mbeina 14:1

An we Gor timina mi nga tchola yam ahina d’a Siyon-nda. Suma a nga ki sed’em dudubud’a kis yam dudubud’a dok fid’i yam dudubud’a fid’i mi, ni suma simiyêm ki simiyê Abum a nga b’ira avorozina.

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.