Vama ndum mbeina 4:2 - Bible azumeina

² Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.

Vama ndum mbeina 4:2 Referans Kwoze

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Ezekiyel 1:26

Akulo yam hur alo ma nga kazina, vana hle tam d’igi ahina safira na, ang golomî d’igi zlam mba amula na. Akulo yam zlam ndata, vana ndeï kat hle tam d’igi sana na.

Vama ndum mbeina 5:1

Bugola, an we mam ma nga kaka yam zlam mba amulina, mbaktum mba dut ta a b’ir kurut mi blogot mi d’a, ti nga ved’a abom ma ndjufâ. Ti nga b’ala ki dubangâ kid’iziya.

Vama ndum mbeina 4:9

Ata yima ahle suma ari suma fid’i ndazina a nga subur Alona, a nga lum ad’umu, a nga le mersi mi ma nga kaka yam zlam mba amula ma nga kaka gak didina,

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Vama ndum mbeina 5:13

An hum ahle suma led’a suma akulona pet kahle suma yam andagad’a kahle suma kä ad’u andagad’a kahle suma kur alum ma ngolâ kahle suma led’a suma kä aduk mbinina pet, a nga hle sawala ala: Giled’a ki hud’a ki subura kad’enga a nga mi mam ma nga kak kä yam zlam mba amulina ki Gor timina gak didin.

Vama ndum mbeina 21:10

Muzu’â hAlonina mi vanu, malaikana mi i ki sed’en akulo yam ahina d’a fiyak ka ked’iwurenga. Mi tagan azì ma ngol ma Alona mi tinim iram vama, ni Jerusalem mba tcholï akulo gen Alona d’a tchugï aset kä d’a.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.

Ezekiyel 10:1

An gol yina akulo hur alona yam tcherebêna. Vana nga kua d’igi ahina safira na, mi hle tam d’igi zlam mba amula na.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 19:4

Suma nglo suma dok mbà yam fid’ina kahle suma ari suma fid’ina a grif kä á kud’or Alo ma nga kaka yam zlam mba amulina, a dala: Amin! Aleluya!

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.

Vama ndum mbeina 17:3

Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 12:5

Atcha ndata, ti vut gor mandjufâ, ni ma mba mi pol andjaf suma pet ki totogod’a kawei ma wurana. Wani gorot máma, a hlum sä akulo gen Alona ata zlam mam mba amula.

Vama ndum mbeina 6:16

A nga de mahuniyô suma nglona ki suma gureina ala: Agi tchugugi tagi kami ngeyemi woi avok mam Ma nga kaka yam zlam mba amulina, avok ayîna hi Gor timinina mi.

Jeremi 17:12

Zlam mba subur ra kal tegles sa kad’u tinda deid’a ti nga. Ni gong mei d’a kud’or ra a tinit irat vata.

Sawal la giled’a 11:4

Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Matiye 22:43

Mi dazi ala: Ni nana ba, Muzu’â hAlonina mi zut David mi yum ala Salana ge? Kayam David mi dala:

Vama ndum mbeina 4:10

ata yi máma na wat, suma nglo suma dok mbà yam fid’ina a grif kä avok mam ma nga kaka yam zlam mba amulina, a kud’or mam ma nga karid’a gak didina. A tchuk avaval mazid’a kä avok zlam mba amula, a dala: